Miss Teen Aruba 2025 Shannon Isabella Vullinghs

Blog Interview Miss Teen Aruba 2025 Shannon Isabella Vullinghs

🌺 Candidata #5 – Shannon Isabella Vullinghs Mi nomber ta Shannon Isabella Vullinghs, un hoben di 18 aña, naci 13 di juli 2006, mi ta un refleho di tres herencia cultural: Arubiano, Latina y Hulandes. Mi ta representa The Salon Esthetic by Roberto Avalo, un guia cu ta traha cu pasion y elegancia den mundo di belleza. Mi ta studiante di Monplaisir College Havo/Vwo, y mi a caba di bai over pa examenklas. E meta ta cla: traha duro pa logra un futuro digno pa mi mes y pa e comunidad cu mi ta parte di dje. Mi famia ta e raíz di ken ami ta❤️. Mi mama y padrastro a inspira mi pa kere den poder di esfuerzo, humildad y determinacion. Nan ta e luz den mi caminda, dunando mi curashi y determinacion pa sigui luchando pa mi soñonan, siñando mi cu nada ta imposibel si bo tin fe y perseverancia. Ademas di esey mi cacho ta mi miho amiguita semper presente cu amor, alegria y un cariño silencioso cu ta consola mi den tur momento. Arte ta mi voz🎨. Mi pasion pa baila a cuminsa for di chikito, y actualmente mi ta un miembro orguyoso di NTG & NLG. Baila, landra na lama y interior designing virtualmente riba mi laptop esakinan ta mi forma di expresa libertad, identidad y emocion. Mi ta un persona empatiko, espontaneo y determina. Mi ta transmiti energia positivo, y mi ta pone mi curason den tur locual mi hasi. Mi ta kere cu bo no mester ta perfecto pa ta poderoso. Bo mester ta real y semper cla pa crece. Esaki ta mi prome biaha den un certamen di belleza, pero e no ta simplemente un competencia pami e ta un conocimiento personal. Mi a sali for di mi zona di comfort, y mi a haya e version real di ken ami ta. Ora mi a cuminsa, mi tabata timido, mi a tene dificultad pa expresa mi mes, pa papia den publico y pa sali for di mi zona di comfort. Pero tur dia mi a keda pusha mi mes un tiki mas y poco poco mi a descubri un bos fuerte den mi interior. 👑Miss Teen Aruba Internacional a duna mi e oportunidad pa mira mi balor cu otro wowo: mi fortaleza, mi carisma, y mi habilidad pa conecta cu hende. Mi a siña cu ora bo kere den bo mes, bo por logra mas di locual bo ta imagina. Mi plan pa futuro ta pa bira un maestra na Aruba pa yuda hubentud siña, crese y kere den nan potencial👩🏼‍🏫. Den mesun tempo mi kier crea mi propio negoshi di interior designing internacional: pa transforma espacio y locual ta mas importante transforma bida⭐️. Mi ta kere cu un hende cu pasion y proposito por laga un impacto cu lo keda marka pa bida. Esey ta loke mi kier: laga mi cara, no solo manera candidata, pero manera un bos pa mi generacion. ✨Un persona cu pasion ta pone su bida den action✨. No tin nada mas poderoso cu un alma cu tin meta. Kere den bo mes y no laga miedo stop bo. Si bo tin pasion y persistencia, bo por cambia mundo di un otro y di bo mes💞 Conecta cu mi biahe: Instagram: @shannon.vullinghs Facebook: Shannon Vullinghs – Miss Teen Aruba International 2025