Blog Interview: Shayna Koolman Miss Teen Universe candidata 9

Mi nomber ta Shayna Koolman, candidata #9 representando Brazil. Mi ta un hoben cu tin hopi soñonan y meta pa futuro. Mi ta gusta siña cos nobo, conoce hende nobo y desafia mi mes pa crece cada dia. Mi participacion den Ronde van Aruba y awor den Miss Teen Universe a duna mi hopi experiencia y confiansa den mi mes.

Te awo, mi experiencia den Miss Teen Universe a bira un experiencia hopi special pa mi. Mi a siña hopi y mi a crece no solamente como candidata, pero tambe como persona. Mi a bira mas sigur di mi mes, mas disciplina y mi a siña con importante ta pa persevera, aunke cos no semper ta bay manera bo ta spera. Mi ta hopi agradecida pa tur e experiencia, e momentonan y e personanan cu mi a conoce durante e proceso.

Pa futuro, mi plan ta pa caba mi estudio na Xavier University. Mi gran deseo ta pa bira un pediatra un dia, pasobra mi kier por yuda muchanan y cuida nan salud. e caminda lo ta largo y lo tin hopi reto, pero mi ta dispuesto pa traha duro y haci mi best pa logra e soño aki. Mi kier usa mi educacion pa haci un diferencia positivo den bida di otro.