Blog Interview Caithlyne Kock Miss Teen Universe Candidata #3

Mi nomber ta Caithlyne Monique Gabriela Kock. Candidata #3. Mi ta un hoben di Savaneta cu di chikito a cuminsa den e mundo aki di modelahe y beyesa. Un fun fact dimi ta cu mi a nace riba un fecha hopi special cual ta 09-09-09. Mi ta kere profundamente den e poder di un voz y e capacidad pa inspira un otro. Mi ta un persona determina, disciplina y aventurera. Mi semper gusta purba experencia nobo pa asina semper mi keda siña mas y crece como persona.

Te cu awo mi experencia den Miss Teen Universe Aruba ta uno inolvidabel. Mi a inscribi den e certamen aki cu e meta pa siña conoce mi mes mas y tambe crece como persona. Y danki na tur e seminarionan cu nos a haya mi ta sinti cu mi metanan ya a wordo cumpli pero semper mi ta keda open minded pa sigui siña mas y amplia mi conocemento. Pesey mi lo conseha tur hoben cu tin e gana pa participa pa bay pe, pasobra bo ta siña asina hopi y bo ta transforma na e miho version di bo mes.

Mi plan pa futuro ta pa sigui mi estudio na Hulanda ora cu mi caba cu mi examenjaar den V6 na Colegio Arubano. Y p’esey ya cu esaki ta mi ultimo aña na Aruba mi a disidi pa bay pa Miss Teen Universe Aruba pa asina mi por culmina e mundo di beyesa aki como un experiencia inolvidabel. Mi plan ta pa studia Register Accountant, pasobra di chikito mi a gusta traha cu cifra y na scol mi semper a gusta e vaknan Wiskunde B, Bedrijfseconomie y tambe Economie. Asina aki mi a escohe e carera cu mi lo kier haci den futuro cu e meta pa aporta na Aruba su economia y futuro.

Boso por sigui trajectoria riba mi Facebook page: Caithlyne Kock – Miss Teen Universe Savaneta 2026 y Instagram: @missteenuniversesavaneta2026

Credits:
Picture by Nieya van Nie (Sunny Side Visuals) for Colegio Arubano.

ty