Mary Joan Foundation ta muda bai Santa Cruz 154-A

Mary Joan Foundation ta muda bai Santa Cruz 154-A, un centro mas grandi pa servicio
mihor bou di un solo dak.
Espacio propio pa e psicologo, pa e chekeonan medico i pa e projecto di peluca, tambe
huntu cu e projecto Workshop Factory .tambe MJF ta hasi un yamada na comunidad
pa cumpra rifa di un sistema solar off-grid di 10 kW.

Oranjestad, Aruba 3 di september 2026
Mary Joan Foundation ta muda bai Santa Cruz 154-A
Mary Joan Foundation (MJF) ta anuncia cu e ta muda bai un centro mas grandi na
Santa Cruz 154-A. E centro nobo aki lo permiti e fundacion pa brinda su servicio mihor i
bou di un solo dak, pa asina e clientenan por haya tur e sosten cu nan mester na un
solo luga.

Un centro nobo bou di un solo dak
Den futuro, e centro nobo aki lo tin:

un propio espacio pa e psicologo;
un propio espacio pa e chekeonan medico;
un espacio pa e projecto di peluca;
un sala pa actividadnan pa clientenan;
i tambe e projecto Workshop Factory.
Workshop Factory lo duna tayer nan riba diferente tema, pa asina MJF por genera mas
fondo pa sostené su servicio.

E realidat financiero
No ta un secreto cu MJF ta ricibi solamente 5.000 florin pa luna como subsidio for di
gobierno di Aruba, mientras cu e gastonan ta conta riba 14.000 florin pa luna. Ayudo
psicologico no ta wordo cubri pa AZV, i e fundacion ta carga tur e gastonan aki for di su
mes un fondonan.