Recordatorio na tur studiante cu a aplica pa Arubalening pa registra pa e Programa “Ban pa Bay 2025”

Recordatorio na tur studiante cu a aplica pa Arubalening pa registra pa e Programa “Ban pa Bay 2025”

Departamento di Enseñansa Aruba en colaboracion cu Realign Coaching Consultancy & Services, cu sosten di Stimuleringsfonds y SEA (Strategic Educational Alliance – Nederlandse Samenwerkende Hogescholen) ta presenta orguyosamente e programa unico: “Ban pa Bay 2025”.

E programa aki ta consistí di 6 tayer unico, specificamente diseña pa yuda tur studiante cu a haci peticion pa un Arubalening y cu ta bay cuminsa cu un studio superior, sea na Aruba, Curaçao, Hulanda, Merca, Canada of cualkier otro pais den exterior.

🎓 Kico ta “Ban pa Bay 2025”?

Un serie di 6 sesion interactivo, practico, educativo entre nan:

• 2 tayer online (un ya a tuma luga riba 16 april)
• 3 tayer fisico cu guia practico
• 1 tayer pa e studiante hunto cu su mayornan

Tur e tayernan fisico lo tuma luga na:

JFK Education Center, Stadionweg 37

Den salanan: MFR1 & 2

E tayernan ta cubri topiconan manera:

– Con pa studia den educacion superior, prepara bo portfolio y planificacion

– Asertividad, imagen propio y liderazgo

– Transicion pa un bida universitario na Aruba y tambe den exterior

– Maneho di emocion, independencia

– Traha e presupuesto cu ta fit abo!

– Preparacion mental y cultural pa un miho integracion

👨‍👩‍👧‍👦 Pa ken e programa ta?

– TUR studiante cu a aplica pa un Arubalening y cu ta bay cuminsa un estudio superior na Aruba of den exterior

Asistencia na e tayernan aki ta obligatorio!

📅 Fechanan Importante:

E tayernan lo tuma lugar entre april y juni 2025.
Studiantenan cu a aplica pa un Arubalening a ricibi e link di registracion den nan email. Den e formulario nan por indicá e fecha y ora di preferencia.
📅 Fecha pa registracion ta te dia 28 di april 2025.

Cada grupo lo tin un maximo di 25 participante, pa garantisa calidad y atencion personalisa. Esaki ta un oportunidad unico pa ta bon prepara y di e forma aki optimalisa bo exito for di comienso di bo studio!

“Ban pa Bay” ta un oportunidad unico pa yuda nos studiantenan prepara pa un futuro yena di reto, autonomia y exito!

Bo futuro ta cuminsa awe. Ban pa bay!