“We Celebrate YOU,” na La Cabana Beach Resort & Casino
“We Celebrate YOU,” na La Cabana Beach Resort & Casino
Durante un encuentro general cu empleadonan riba resultadonan di e prome kwartaal, un HR rebranding nobo a keda introduci na empleadonan y gerencia, e iniciativa yama ‘We Celebrate YOU!’
E team di HR a presenta e esencia di e HR rebranding y slogan, enfatisando con e ta resona cu e cultura di La Cabana. Strategianan pa amplifica e HR branding y yega na un audiencia mas grandi a keda revela, stimulando hopi emocion y anticipacion na tur esnan presente durante e encuentro.
Despues di e reunion, e empleadonan a bay over na e ballroom pa disfruta di un lunch delicioso prepara pa e team culinario dinamico di e resort. Lunch tabata combina cu un ceremonia di premiacion, un celebracion informal pa reconoce esnan nomina pa January, Feburary y Maart 2024. Pa loke ta nominadonan di januari: Dionisio Geerman, Loss Prevention; Adilio Diaz, Engineering; Nicolasa Ventura, Housekeeping; Zulaima Vrolijk, Front Office – PBX and Elizabeth Feliciana,Housekeeping.
Pa nominadonan di februari: Roger Perez, Engineering; Rugino Simileer, Accounting; Patricia Bernabela, Housekeeping; Violeta Vargas, Housekeeping and Milangelys Henriquez, Food & Beverage.
Nomindadonan di maart: Romeo Francis, Engineering; Christopher Vrolijk, Activities; Sergiomar Croes, Front Office and Daysi Pourier, Food & Beverage.
Nomindadonan pa Supervisor di e kwartaal: Geegee Jaranilla, Front Office and Martha Nuboer, Food & Beverage.Team di Kwartaal su nominadonan tabata: Electrical Mechanical Team y PBX Team. Esnan nomina a haya e honor pa habri e liña di buffet, sigui pa un servicio tremendo den bon ambiente ameno. Mientras cu a anuncia ganadonan, e luga tabata resona cu aplauso. Ganadonan a keda yama pa bini dilanti un pa un pa asina ricibi nan reconocemento p’e trabao duro y dedicacion.
Pa januari, Nicolasa Ventura, Housekeeping, a briya riba tur otro departamento. Februari, Patricia Bernabela, Housekeeping, a demostra tremendo dedicacion kende a haci mescos p’e mesun departamento. Pa loke ta maart, Christopher Vrolijk, Activities, tabata e strea di e luna den activa tur bishitante. Supervisor di Kwartaal a bay na Geegee Jaranilla di Front Office, y Team di Kwartaal na PBX Team, kende nunda a faya un yamada of comunicacion, semper atento na tur bishitante y empleado.
Pabien ta bay na tur ganado y nomindadonan. Bo compromiso pa excelencia berdaderamente ta briya. We Celebrate YOU!