ARUBA LIONS CLUB HUNGER RELIEF DIA DI MAMA

Aruba Lions Club cu e projecto “Hunger Relief” Mothers Day Edition

Aruba Lions Club cu ta sirbi e comunidad di Aruba pa mas cu 75 aña cabay ta yuda nos comunidad un biaha mas a tene nan projecto cu ta hunger relief, pero mirando e celebracion di dia di mama a haci algo special unda voluntarionan di Aruba Lions Club a uni den nan club pa traha varios macuto pa dia di mama y tambe a combine cu un cake box y aki tambe e voluntarionan di Aruba Lions Club a subi caminda dia 11 di mei , un dia prome cu dia di mama pa asina haci entrega di e macutonan aki yena di cos di come y bebe .
E mama nan a keda masha encanta cu e aprecio aki y a gradeci Aruba Lions Club masha hopi mes pa e bunita gesto aki.
Danki na tur voluntario cu a uni hunto y traha e macutonan y e cake boxnan pa e mamanan

Keda pendiente pa mas projectonan di Aruba Lions Club