Kiwanis Club of Palm Beach “Over the Moon” Charity Golf event

Kiwanis Club of Palm Beach “Over the Moon” Charity Golf event
Oranjestad – Diabierna y diasabra ultimo, Kiwanis Club of Palm Beach tawata anfitrión di su di
4 edicion di “Over the Moon” charity golf na Tierra del Sol. Sponsornan y contribuyentenan a
hunga golf y participa den diferente actividadnan bou di luna yen cu e meta pa recauda fondo
pa sigui sostene proyectonan di Kiwanis Palm Beach manera: “StimaMi GuiaMi”, “Child Car
Seat” y programanan na scolnan di Aruba.
Kiwanis ta para pa muchanan y manera tur actividad di FUNdraising di Kiwanis club of Palm
Beach, tur fondo recauda ta bai 100% bek den comunidad, pero en especial nos muchanan cu
mester di dje. E fondonan recauda lo bai pa sostene diferente proyectonan manera “StimaMi
GuiaMi”, cu ta un programa den cual e meta principal ta pa reenforsa e relacion entre mayornan
y nan yiu(nan). Alabes den e programa mayornan ta haya conseho riba tereno di salud den e
prome fasenan di desaroyo di e mucha. E otro parti di e fondonan, lo wordo inverti den e
proyecto di “Child Car Seat”, cual proyecto tin e meta pa conscientisa mayornan ariba uzo di
“Child Car Seat” pa proteha nos muchanan den trafico.

Registracion
Diabierna 23 di october, teamnan a presenta pa asina registra, tuma nan goodiebag y pa
despues nan topa otro riba turf y cuminsa cu un competencia di putting pa warm up pa
diasabra. Durante e anochi aki e contribuyentenan a disfruta di un dushi cuminda patrosina pa
Alain Catering y algo di bebe.

COMUNICADO DI PRENSA

Over the Moon Night golf

Diasabra, 24 di october, e teamnan a subi e cancha di golf, pa e asina yama “Tee-Off”, cual
tawata planea pa 6:45pm en punto, y asina duna inicio na e competencia. Teamnan di 4
hungador, den formato di e asina yama “4-man scramble”, a haya nan balanan estilo “glow in
the dark” y nan scorecard pa asina na final por a saca e team ganador.

Online auction y Long drive & Closest to the hole
Despues di e competencia riba e cancha di golf di Tierra den Sol, e contribuyentenan a topa
otro den patio di e restaurant di Tierra del Sol, pa disfruta di un dushi cuminda patrosina pa
Peanuts Catering y algo di bebe. Aki ta caminda a cuminsa di biaha cu e competencia di
“closest to the pin”. Mester menciona cu e parti competitivo aki ta hala hopi atencion bou di e
golfistanan, cu e tension y presion necesario.

COMUNICADO DI PRENSA

E biaha aki a manera den edición anterior a haci auction pero den formato digital. Un siman
prome cu e evento, a lansa e website, patrosina pa Complete Solutions, caminda tur persona,
no mester ta parti di e evento, por a place nan bid riba item desea riba e plataforma.
Un danki ta bai na e patrocinadonan principal “hole sponsors”, cu a haci e anochi uno
sumamente exitoso tanto den e aspecto di organización, como e aspecto di recaudacion di
fondo. Nos kier a bisa danki na: Aruba Trading Company; Tierra del Sol by Iberostar; Caribbean
Mercantile Bank N.V.; Papiamento Restaurant; Reliant Corporate Finance & Accountancy;
ENNIA Feel Secure; Glitz Casino, D&C Partners; Aruba Bank; Better Homes N.V. y Canadian
Bank Note Aruba N.V.. Nan apoyo na e proyecto a haci esaki un exito atrobe.
No por lubida di duna danki tambe na tur e otro sponsornan cu haci e online auction posibel,
ítems pa e goodiebags y teamnan cu a participa y aporta na e bon causa aki den forma
monetario of den aspectonan operacional y logistica. Bishita e paginanan di social media di
Kiwanis Palm Beach pa haña un impresion completo di tur esnan cu a haci un contribucion pa
haci e evento uno sumamente grandi y exitoso, den cual e meta final ta pa contribui na e
bienestar di nos muchanan di Aruba.
Pa mas informacion di Kiwanis Club of Palm Beach bishita nos webpage na
www.kiwanispalmbeach.com of nos Facebook page na www.facebook.com/kiwanispalmbeach
of nos Instagram page www.instagram.com/kiwanispalmbeach.