Posicion di AHATA riba desaroyo di turismo
Posicion di AHATA riba desaroyo di turismo
Aruba Hotel & Tourism Association (AHATA) ta representa tur sector di acomodacion:
hotel, timeshare, short term vacation rental, y demas compania cu ta depende di Aruba
su turismo pa ta exitoso.
Cu un lista integral, AHATA ta confirma su posicion riba e topico di desaroyo di turismo
na Aruba:
1. AHATA ta boga pa moratorio di hotel y condomiminum na region di Eagle Beach
y Palm Beach. Desde 2018 AHATA a publica su recomendacion pa moratorio.
2. E sector di vacation rental (STR) tin mesun importancia cu hotel y timeshare pa
nos industria.
3. Alohamento na vacation rental na Aruba a crece cu 70% desde 2018, mientras
cu alohamento na hotel no a crece.
4. Falta registracion, regulacion y cumplimento di impuesto den sector di vacation
rental.
5. Tur comerciante mester cumpli cu impuesto y ley, incluyendo adkeri permisonan
y hotel of logementvergunning di gobierno.
6. Pa opera un hotel of vacation rental mester ricibi un erfpacht apropia di gobierno
y mester cumpli cu ROPV.
7. Gobierno, den pasado, a duna algun inversionista permiso y erfpacht pa
desaroyo, dunando e inversionista derecho legal pa construi proyecto.
8. Pa interveni den derecho legal, determina fecha di desaroyo, y propone
cualquier otro inversion na Aruba, gobierno mester dialoga directamente cu e
inversionista.
9. AHATA ta recomenda un strategia di turismo pa Aruba cu ta priorisa crecemento
di balor (e percentahe di bishitante cu entrada mas halto) y ta limita crecemente
di volumen (cantidad di turista). Evitando sobreturismo y su efectonan negativo
ta na bienestar di e pilar di nos economia.
10. AHATA ta recomenda pa limita e cantidad di pasahero di crucero cu ta yega
Aruba riba e mesun dia, pa limita e cantidad di hende riba nos beachnan,
cayanan, y na nos atraccionnan.
11. AHATA ta boga pa introduccion di reglamento y control di UTV y watersports.
