Curso di Baseball5 a termina y a entrega certificado na participantenan
Curso di Baseball5 a termina y a entrega certificado na participantenan
Diaranson mainta a tuma lugar na Stadion Guillermo Prospero Trinidad, ultimo dia di curso di
Baseball5.
E curso aki a wordo duna pa miembro nan di World Baseball/Softball Confederation (WBSC) cu
nan instructornan Andrea D’Auria di Italia y tambe Pablo Leone di Argentina, meta di esaki ta pa
empleadonan di IBiSA y tambe docentenan di Movesion y Salud, ABBA y Aruba Softball Bond
siña reglanan nobo tocante e wega di Baseball5.
Diaranson mainta por a mira esnan cu a tuma curso den accion ariba tereno pa despues di e
training a sigui cu entrega di e certificado na tur esnan cu a caba e curso.
Den un entrevista tanto cu Andrea D’Auria y tambe Pablo Leone nan a expresa di ta hopi
contento di por a bin Aruba y duna e curso. Awo tur esnan cu a participa na e curso aki por
sigui duna e muchanan na scol un miho instruccion di Baseball5.
Den luna di november venidero ta bay cuminsa e competencia entre scolnan basico di Aruba y
ganador di e competencia aki lo gana e derecho di representa Aruba den Weganan Interinsular
na Bonaire den luna di maart 2027.
