Resultado oficial di ACSM26 SOCA FINALS despues di revision

Manera ta custumber, fuera di ricibi nan scoring sheets despues di e Prefinals y Finals
mandatoriamente segun Rules and Regulations di e competencia, Stichting Musica ta
duna tur band leaders y participante e oportunidad pa un “inzage”, na unda ta ricibi un
bista di e puntonan cu cada presentacion a ricibi, cu specificacion di cada criteria.
Durante e anochi di revision riba dialuna, 9 di februari 2026 esnan presente a encontra
discrepancia den e resultadonan di ACSM26 Soca Finals. Den forma abierto y
transparente, Stichting Musica a comunica e sucedido na prensa y medionan di
comunicacion y debidamente a yama un reunion cu caracter urgente pa e siguiente
anochi.
E reunion extraordinario a tuma lugar riba diamars, 10 di februari 2026, na unda e caso
y e fayo tecnico a wordo presenta y splica na tur band leader y participante.
Siguientemente, e eror a wordo drecha y resolvi dilanti di tur hende y cada banda a
wordo pidi pa controla nan scoring sheet un biaha mas.
Despues di un anochi largo, e resultado oficial despues di e revision intensivo aki a
wordo presenta. E reunion a termina exitoso. Musico y artistanan a sali contento, den
un ambiente positivo, cu e siguiente acuerdonan:
– E Top 5 ganadornan ta ricibi premiacion
– E lista di Top 10 ta wordo reconoci y publica
– Tur tres Rookie cu a clasifica pa e ACSM26 Soca Finals ta wordo honra
Stichting Musica ta gradici tur participante y band leaders pa nan tremendo
cooperacion. Pa a haci nan mes disponibel a corto plaso pa atende cu un situacion
fastioso, sinembargo sumamente importante.

Resultado oficial ACSM26 SOCA FINALS:

Place Band Artist Name Stage Name Song Title
1 Hot Ones Band Soilo Sanchez Lord Lally The Lizard Kacking
2 Groove Masters Ashrock Gario Diamond Chip Born in Soca
3 Zeta Band Richard Quant Mighty Tattoo Right or Wrong
4 Buleria Jetzenia Martines Queen Shine Far Away
5 Duro Jair Dijkhoff Casper The Last Bus to Jouve
6 Tsunami Michel Almary Mitch Kurukuchu
7 Groove Masters Travis Tucker Tip Toe Ride it Up
8 Tsunami Carl Roosberg Jr. Galloway Turnaround
9 Groove Masters Mervin Baptiste Blacky Energy
10 Buleria Derwin Kemp Master Gusto D Main Event
Best Dressed Artist Sashah “Queen Sashah” Figueroa
Best Dressed Band Tsunami
Rookies of the Year Jorienne “Queen Gigi” Angela / Sidney “Sid Sim” Simoons /

Rayner “Ray Rusty Jr.” Sprott

Riba diamars, 17 di februari 2026, Stichting Musica lo tene su Prize Award Event, di 7 –
9’or di anochi na The Casino at St. Regis Aruba. Un anochi di celebracion na unda e
ganador y finalistanan lo ricibi nan premionan bon mereci.
Preparacionnan ta continua pa e ACSM26 Calypso Showdown cu ta programa pa luna
di mei 2026 y e ACSM27 Soca Prefinals cu lo tuma lugar na november 2026.
Informacion tocante ambos evento lo sigi despues di temporada di Carnaval.