KASSAV A YEGA ARUBA!
KASSAV A YEGA ARUBA!
Oranjestad – Aruba, 22 Januari 2026: Tur cos ta cla pa e tan anticipa concierto di Kassav cu lo
tuma luga durante e ‘Night of the Hitmakers’ Diabierna awo den Carnival Village. Ambiensis
Entertainment Events & Productions a duna bon bini na e integrantenan principal y banda
completo di Kassav Diahuebs den transcurso di dia.
Pa loke ta e integrantenan di Kassav sigur nan a expresa nan entusiasmo di ta bek na Aruba
despues di 17 aña. Actualmente e banda ta riba gira internacional demostrando nan relevancia
keto bay despues di 4 decada desde su inicio. A pesar cu e banda a perde nan co-fundador y
guitarista Jacob Desvarieux bek na 2021, e tour actual di Kassav ta un bibo ehempel di con e
banda ta sigui honra su legado y na Aruba esey no lo ta un excepcion.
Tur amante di e banda aki cu a popularisa e genero di zouk por spera sigur un ora y mey di
concierto yena cu hitnan clasico manera ‘Zouk-la-sé-sèl médikaman nou ni’, ‘Syé Bwa’, ‘Siwo’ y
hopi mas. Ademas, e anochi lo conta cu ambiente musical di nos mesun banda y artistanan
local manera: OREO, Tsunami y Buleria.
Promotor Nicole Martina di Ambiensis Entertainment Events & Production a informa cu porta di
Carnival Village lo habri pa 6 pm. Diabierna awo. Pa tur cu a cumpra nan ticket caba, nan por
pasa Carnival Village Diahuebs anochi pa busca nan wristband, cumpra caarchi di concierto, lo
tin pre-benta di ‘token’ pa bar y tambe drenta den ambiente di concierto durante e ‘soundcheck’
cu lo tuma luga entre 7 pm. y 11 pm.
