E cas di Carnaval 72 ta Carnival Village!

Pa Carnaval 72 tur evento ta bay pariba! San Nicolas – Aruba: E siman aki durante conferencia di Prensa di SMAC
conhuntamente cu Ambiensis Entertainment y Stichting Musica a keda confirma cu tur evento di SMAC pa Carnaval 72 lo tuma luga na Carnival Village. E meta di e aliansa
aki entre e tres organisacionnan ta pa demostra cu hunto por ofrece consistencia den e calidad di produccion y maneha gastonan na un manera mas eficiente pa cu Carnaval.
“Na 2014 a inaugura Carnaval Village y e ta na su luga pa nos uz’e y honra su
proposito”, asina Larissa Bermudez di SMAC a expresa durante e conferencia.
Ademas, cu e colaboracion aki kier manda un mensahe cu e intencion pa finalisa e
proyecto di Carnival Village pa asina tur futuro evento por sigui tuma luga p’ariba y na
un costo mas abou.
Esaki no ta prome biaha cu SMAC ta opta pa organisa su actividadnan na San Nicolas,
sin embargo, dificultad cu logistica y costo mara na organisacion di cada evento
individual a haci cu mester a busca opcionnan mas faborabel economicamente den
pasado.
Pues, pa Carnaval 72 comunidad di Aruba lo disfruta p’ariba den grandi, eventonan
manera:
● Calypso y Roadmarch Infantil & Hubenil – 9 JAN
● Eleccion di Reina Hubenil & Sra. Carnaval – 10 JAN
● Eleccion di Reina Infantil & Reina Grandi – 11 JAN
● Festival di Tumba Infantil & Hubenil – 16 JAN
● Festival di Tumba Aruba 54 – 17 JAN
E fin di siman aki e evento nan di SMAC ta cuminsa, pues ticket ta obtenibel riba
pay.aw na un costo di Awg.25 pa adulto, Awg. 15 pa mucha y VIP Seating pa Awg.50.
Sin laga afo tur esunnan interesa pa mira e actividad nan aki online of for di comodidad
di nan cas cu tambe por cumpra e pakete di PPV “Ambiente den 72” riba
www.isladicarnaval.com na valor di Awg.115 pa tur 5 evento.
SMAC ta invita comunidad di Aruba y tur carnavalista pa bishita e pagina di Facebook y
Instagram di ‘Isla di Carnaval’ pa tur detaye manera, flyer di cada evento, layout di
evento y tambe regla pa loke ta permiti y no permiti durante tur evento di SMAC na
Carnival Village.
###

E cas di #Carnaval72 ta Carnival Village! Awe nos a confirma e partnership hunto cu Stichting Musica y Ambiensis Entertainment pa tur actividad di Carnaval e aña aki. Nos ta ban p’ariba? 🎉🎭

Boso ta mira? Union ta haci forza di berdad!