Ate Tumba, ban pariba, ban pariba cu bo stoel

SMAC kier a informa pueblo di Aruba cu pa Festival di Tumba Infantil, Hubenil y Grandi Diasabra awor 17 di Januari 2026 na Carnival Village cu SMAC a yega na un acuerdo cu Brandweer y KPA pa permiti stoel drenta Carnival Village pa e evento aki.

Mester informa si cu tur stoel mester bai den un area cu lo wordo asigna pa e personan cu ta bin cu nan propio stoel. Stoel no mag di ta un stoel di material duru sino loke nos ta yama popularmente beach stoel or kruk.

Nos di SMAC ta hopi contentu di por a logra esaki hunto cu nos partnernan pa complace nos kerido pueblo carnavalesco.