Amanda Verkerk ta resulta di tres finalista na Teen Universe 2025 na Punta Cana

Amanda Verkerk ta resulta di tres finalista na Teen Universe 2025 na Punta Cana
Willemstad- Amanda Verkerk di 19 aña di edat ta representá Kòrsou dignamente den e sertamen di Teen Universe 2025 i ta resultá di tres finalista den e kategoria Teen Universe 2025.
Otro yu di Kòrsou ta saka kara riba tarima Internashonal i demostrá ku nos ta un isla yen di talento i hende muhé nan bunita. Amanda Verkerk a sa di laga nòmber di Kòrsou zona un siman largu i krea un promoshon grandi pa nos. Tur kaminda ku Amanda a bishitá, e la hala hopi atenshon ku su vestuario i su personalidat.
QMQ Organization ta sumanete orguyoso ku e bon trabou ku Amanda a bin ta hasi durante su preparashonnan i ku a kulminá ayera. Amanda a pèrkura pa Kòrsou haňa un promoshon asina ku grandi, di kua nos no tin boka pa gradisí Amanda pe trabou bon hasi aki. Aparte ku Amanda a sali di tres finalista, e la logra e titulo di Miho presentashon den trahe di baňo.
Den mesun rosea nos ke felista representante di nos dushi isla Aruba ku a resultá ganador absolute.
Amanda durante ful e siman tabata tin diferente aktividat kaminda e la lusi super bunita ku trahe nan konfekshoná pa diseňador nan di Santo Domingo i Venezuela. Amanda a presentá un bunita traha di Nashonal ku a hala basta atenshon, esaki a keda krea speshialmente na Colombia pa Amanda por a lusi den e kompetensha. Durante e simannan ku Amanda tabata na Punta Cana e la pèrkurá pa kompartí via su red nan social, diferente video i potrèt nan kaminda por a haňa un bista di kiko tur tabata pasando i ku boso por a biba e momentu nan importante ku ne.
E sertamen a konsisti di un anochi di pre eliminar kaminda Amanda a pone den praktika tur loke e la siňa serka profeshonal nan na Kòrsou pero tambe Internashonal. Un biaha mas hasiendo un tremendo trabou. Un total di mas ku 60 hóben tabata riba esanario basá riba e diferente kategoria nan ku tabata tin pa ku e sertamen aki.
Den e kategoria di Teen Universe ku ta esun ku Amanda a kompeti den dje tabata tin un total di 27 hóben. Teen Universe ta un dje sertamennan di nivel haltu i esaki por a mire tambe ayera via YOUTUBE i nan pagina nan ofisial. Mas di 10 mil persona a sintonisa e sertamen ayera.
Prome presentashon Amanda mester a introdusí su mes. E di dos presentashon tabata den traje nan di baňo sumamente bunita di e organisahon i e último presentashon, tabata traje di Gala kombiná ku pregunta final.
QMQ Organization ta mas ku orguyoso di Amanda, un hóben determiná i ku ta kla pa kompetí den kualke sertamen Internashonal di nivel haltu
Amanda ta yega Korsou djamars, 14 di aprel 2025 pa 9or di mainta. QMQ Organization ta invita pueblo di Kòrsou pa bin risibi nos Amanda na aeropuerto Hato Internashonal.

Danki na https://www.facebook.com/diturunpoko.official