Landsloterij ta sostene Carnaval masalmente cu su campaña

Landsloterij ta sostene Carnaval masalmente cu su campaña
𝐑𝐢𝐧 𝐭𝐢𝐧 𝐭𝐢𝐧 𝐤𝐢 𝐛𝐨 𝐭𝐚 𝐡𝐚𝐜𝐢 𝐜𝐮 𝐛𝐨 𝐟𝐥𝐨𝐫𝐢𝐧? Landsloterij
ORANJESTAD – Landsloterij, ta anuncia orguyosamente lansamento di “Rin tin tin, ki’ bo t’ey haci cu bo florin”, un campaña social, comunitario cu e meta pa sostene Carnaval di Aruba. E Campaña aki ta duna e oportunidad na pueblo di Aruba, completo pa contribui directamente na preservación y desaroyo di nos fiesta di Carnaval
𝐁𝐨 𝐟𝐥𝐨𝐫𝐢𝐧 𝐩𝐚 𝐂𝐚𝐫𝐧𝐚𝐯𝐚𝐥
Durante e periodo di campaña, 1 florin for di cada compra di un pida briyechi lo bay directamente pa SMAC como organisado di carnaval di Aruba. Lo uza e suma aki pa cubri parcialmente e regalo cu SMAC lo otorga na e reinanan di Carnaval y pa cubri e gastonan mara na entre otro organisacion di eventonan di Carnaval. E campaña aki ta conta tambe pa Corsou y Boneiro na unda e contribucion for di benta di briyechi na islanan aki lo bai pa UNTAHF di Boneiru y pa Nos Karnaval di Curaçao.
𝐁𝐨 𝐜𝐨𝐧𝐭𝐫𝐢𝐛𝐮𝐜𝐢𝐨𝐧 𝐜𝐡𝐢𝐤𝐢𝐭𝐨 𝐜𝐮 𝐩𝐫𝐞𝐦𝐢𝐨 𝐠𝐫𝐚𝐧𝐝𝐢
E campaña ‘Rin tin tin’ ta duna un buelta excitante na e siguiente sorteo di Landsloterij. Tur cumprado di briyechi no solamente ta dunando bek na carnaval, pero naturalmente tin e chens pa gana manera semper ta custumber di Landsloterij, mas cu 1000 premio chikito y grandi cu naturalmente esun mayor di 500.000 florin (mey miyon florin). Esaki ta e motibo pa uzo di ‘Rin tin tin’ ya cu manera den e wega di tapa cara nos kier busca y gara abo cu ta cumpra, contribui y kisas resulta ganado di un di e premionan grandi aki.
𝐍𝐨𝐬 𝐜𝐨𝐦𝐩𝐫𝐨𝐦𝐢𝐬𝐨 𝐩𝐚 𝐧𝐨𝐬 𝐟𝐢𝐞𝐬𝐭𝐚 𝐜𝐮𝐥𝐭𝐮𝐫𝐚𝐥
Landsloterij Aruba ta situa na Middenweg 27, Oranjestad(den Caya Grandi) y na Theaterstraat 6, San Nicolas. Esaki ta sirbi como extra motivacion den nos meta pa duna bek na comunidad y contribui na preservacion di Carnaval. Nos fiesta cultural cu no solamente ta trece alegria pero tambe a bira un pilar economico fuerte pa nos pais. Cu e campaña ‘Rin tin tin, kico bo t’ey haci cu bo florin?’ Nos kier reenforsa nos compromiso y duna nos granito pa Arubs su Carnaval
𝐂𝐞𝐥𝐞𝐛𝐫𝐚 𝐜𝐮 𝐧𝐨𝐬, 𝐝𝐮𝐧𝐚 𝐛𝐨 𝐜𝐨𝐧𝐭𝐫𝐢𝐛𝐮𝐜𝐢𝐨𝐧 𝐲 𝐠𝐚𝐧𝐚!
Landsloterij ta desea di motiva e pueblo di Aruba, specialmente tur cu ta stima Carnaval pa no keda afo di e sorteo aki, cumpra bo briyechi cu chens riba premionan grandi monetario cu alabes lo sirbi como contribucion na e dushi Carnaval di Aruba. Rin tin tin, awor bo sa kico bo t’ey haci cu bo florin!
#isladicarnaval #SMAC #Carnaval71 #landslotterij #aruba