Atleta di Taekwondo di Honduras Mayra Cartagena na Aruba pa entrena cu Maelynn Fradl

Atleta di Taekwondo di Honduras Mayra Cartagena na Aruba pa entrena cu Maelynn Fradl

Den e mundo di deportenan di combate ta esencial pa por practica bo disciplina den un manera similar na e competencia mes. Esaki kiermeen den e mundo di Taekwondo Kyorugi, cu mester entrena a traves di sesionnan di “sparring”. Den e caso aki, Atleta di Honduras cu tambe ta den proceso di clasificacion pa e weganan Panamerican Junior 2025 na Asuncion, Paraguay, Marya Cartagena a bin Aruba pa asina logra entrena hunto cu Maelynn Fradl cu ta nos atleta local cu tambe ta den e proceso di clasificacion. E atletanan aki sa entrena cu otro mas frecuente, mayoria bes ora Maelynn bay Honduras pa campo di entrenamento. E biaha aki, Mayra a opta pa bin Aruba y pa despues nan hunto bay Honduras pa termina e proceso di entrenamento prome cu e wegananan Panamericano Junior ASU2025. Pa mas informacion, mira e video aki unda Marya ta conta un poco di su mes y e proceso di clasificacion. #TEAMARU