Raiy-Shenne Girigorie eligi Miss Beachwear Glam Fantasy
Raiy-Shenne Girigorie eligi Miss Beachwear Glam Fantasy—Diasabra anochi a tuma lugar riba un pida cera di caya den Promenade na San Nicolas, e evento den cuadro di e actividadnan di Miss Youth Aruba 2024, esta e ‘Beachwear Glam Fantasy’, cu e biaha aki a enfoca riba fantasianan crea cu ta duna honor na San Nicolas.
Na final di e anochi, Raiy-Shenne Girigorie di Savaneta, a keda eligi como Miss Beachwear Glam Fantasy. El a ricibi su premio for di man di Amelia Elskamp (actual Miss Youth Aruba 2023), como tambe Mary-Jane Kransen (Miss Teen Mundial Aruba 2024), y Zahirah Mohammed (Miss Youth Aruba 2024 Little Sister).
Prome finalista ta Amalia Niebles Diaz di Oranjestad, y segundo finalista ta Jennely Winklaar di San Nicolas.
E anochi aki a escoge tambe ganadornan di esnan cu a traha e obra di arte di mas bunita. E premio di Best Canvas Art 2024 a bay tambe pa Raiy-Shenne Girigorie di Savaneta. Prome finalista ta Guizza Maria Steenvoorde di Santa Cruz, y segundo finalista ta Amalia Niebles Diaz di Oranjestad.
Candidata mas popular a resulta Zinnia Ras di Pos Chiquito. Premio di best designer a bay pa Edgar Kock di Mirrors Beauty Academy, kende a traha e trahe di Amalia Niebles Diaz, cu a rindi honor na señora Lolita kende semper ta bende cos dushi na tur actividad rond Aruba.
Danki https://www.facebook.com/nilton