‘Empowering Leadership na La Cabana: Un siman transformativo cu Scott Leopardi
‘Empowering Leadership na La Cabana: Un siman transformativo cu Scott Leopardi
EAGLE BEACH | Miembronan di gerencia di La Cabana Beach Resort & Casino tabata tin e placer di por yama bon bini na Scott Leopardi, Senior Director of Learning and Development na Hilton Grand Vacations na Florida kende tabata di bishita recientemente riba Aruba.
Como un Hospitality Coach, Leopardi ta dedica henter siman na desaroyo di liderazgo y educacion, pa medio di e compromiso di e resort, renoba tur aña, pa sigura cu su team ta keda avansa y un stap dilanti semper den loke ta servicio di excelencia.
E siman a cuminsa cu varios revelacion hopi valioso tocante e manera di pensa y comportacion di e resort. E fundacion aki a set e base pa un serie di sesion impactante enfoca riba factornan clave den liderazgo.
Durante e siman, La Cabana Beach Resort su lidernan a forma parti di un training intensivo cu varios topico manera Emotional Intelligence pa Lidernan, importancia di delegacion y Accountability for Leaders.
E siman a culmina cu un session riba Leadership Conversations, na unda lidernan a practica nan skills di comunicacion pa asina stimula dialogo productivo dentro di nan team.
E siman transformativo a brinda un variedad nobo di abilidadnan y tambe reflexion, desaroyo personal y team bonding. Na final di e siman, e miembronan di team a expresa gratitud inmenso na Scott Leopardi pa su conocemento, guia, y su manera interactivo di presenta su sesionnan.
La Cabana Beach Resort & Casino ta kere den crea un cultura ameno den loke ta educacion y desaroyo continuo. Mientras cu e resort ta sigui na ofrece vacacion memorabel na su bishitantenan, e ta compronde cu pa logra e meta aki e ta cuminsa na su empleadonan y lidernan, cual ta e curason di e compania. For di e prome dia te cu dia di retiro, e resort ta celebra su empleadonan y su contribucionnan, crecemento personal, personalidadnan unico, creando hunto un producto di vacacion cu calidad halto.
E siman anual di desaroyo di liderazgo ta yuda construi e caminda pa excelencia cu e resort ta anhela, mientras e ta reconoce e impacto positivo di educacion pa su lidernan y bishitantenan.