Miss Youth Aruba 2024: Zinnia Ras
Mi nomber ta Zinnia Ras, mi tin 15 aña di edad y mi ta Miss Youth Pos Chiquito 2024. Mi ta bishitando EPB sannicolas den sector di economie.
Te awor kico ta bo experiencia den miss youth?
Mi experiencia te cu awor ta algo completamente nobo y mi ta gustando. Sin duda, e ta rekeri hopi disciplina. Mi ta trahando duro tanto mentalmente como fisicamente y diariamente mi ta siñando hopi. Mi ta conociendo pasionan nobo y tambe lugarnan nobo. Mi ta asina contento pasobra mi ta gustando e desafio aki masha hopi mes y mi ta corda mi mes cada rato cu competi pa Miss Youth ta e best choice cu mi a tuma, pa mi por challenge mi mes. Nos tur por tin un soño of un deseo, pero bo mester corda bo mes cu bo tin cu traha duro pa yega na dje. Tin biaha e por ta un poco dificil pa kita di bo rutina di tur dia, pasobra tin dia bo por bira hopi druk mes cu gym, training,lezing, facial, etc. pero keda semper determina y focus riba bo meta.
Kico ta mi plan pa futuro?
Mi plan pa futuro ta pa gradua na EPB y sigui EPI. Manera mi caba EPI lo mi kier sigui mi estudio na IPA y apart di esey lo mi kier habri mi propio negoshi di haci huña.
https://www.instagram.com/missyouthposchiquito2024?igsh=aDI0dXFvdm53Ym55
https://www.facebook.com/profile.php?id=61558058491579&mibextid=LQQJ4d