Miss Youth Aruba 2024: Guizza-Maria Steenvoorde

Mi nomber ta Guizza-Maria Steenvoorde, candidata #6, representando mi districto cu ta forma gran parti di mi curason, e luga unda ami y mi soñonan a lanta. Sumamente orguyoso mi ta di ta reconci como Miss Youth Santa Cruz. Tambe, The Salon Aruba y mi preparado Roberto Avalo, “The best of the best”. 💄😘✨

Mi tin 17 aña di edad. Algo cu mi ta hopi apasiona p’e ta skirbi. Mi ta gusta haci esaki den mi tempo liber cu ta encera haci investigacion, skirbi relato y skirbi y declama poema y storia den nos dushi lenguahe materno Papiamento. Mi gusta skirbi tocante topico cu no ta haya suficiente atencion of cu no ta bin hopi padilanti. Recientemente, mi a cuminsa skirbi un buki pa mucha na Papiamento. 🤫 Mi ta gusta filma y traha video y lo kier traha un programa di television y documentario den futuro. Tambe mi ta baila, canta, actua y mi gusta biologia y Carnaval.

Mi ta un persona humilde, honesto cu disciplina y determinacion. Ora mi tin pasion pa algo y un meta pa logra, aunke tin obstaculo, mi no ta laga nada stroba mi. Actualmente, mi ta forma parti di Parlamento Hubenil pa asina mi por ta e bos pa hoben cu no por vocifera nan mes y a keda nombra como “Most Honorable Delegate” den e concurso virtual Model United Nations na Turkia, un debate internacional entre hoben. E area aki a capta mi atencion y mi lo kier sigui desaroya mi mes como debatante di United Nations y tambe escritor. 📝✍️💕

Mi ta un fashionista di curason y ta stima modelahe, mi ta modela pa L’Oréal, Trash by Ronchi, Dshop, Jolie Jewelry Boutique, Aruba Art Fashion, Aruba Fashion week y a representa Aruba na Colombia durante Colombia Moda cu Gigiola Arends. Un di mi diseñadornan faborito ta Dauvia Nijgenhuis cu a wak e potencial den mi, un meta di mi ta pa den futuro, modela riba pasarela di Amsterdam Fashion Week y New York Fashion Week. Kisas tambe representa Aruba den otro certamen.

Miss ta completamente diferente cu modelahe y esey ta un di e rasonnan cu mi a scoge pa participa na Miss Youth pa asina cera conoci cu e mundo di Miss y uza Miss Youth como plataforma pa enfoca riba cierto aspecto cu ta biba den nos comunidad. Mi ta agradecido di por participa na Miss Youth y ta aprecia e comision, mi ta gusta con henter e comision di Miss youth ta stima locual nan tin pasion p’e y ta haci nan maximo esfuerso pa nos como candidata por florece. Ademas, con tur candidata ta purba yuda otro, siguramente un ekipo pa admira. Mi por bisa cu mi tin un di dos famia. Den e ultimo simannan mi a siña masha hopi, y no solamente a desaroya como Miss, sino tambe por a habri mi wowonan y mira cierto tema for di otro perspectiva. E seminarionan ta siña bo stima, balora y aprecia locual nos tin y locual nos por presenta pa asina inspira otro. Masha danki !!! 🌸💖✨🥹

Si ta desea di sigui mi trayecto di Miss Youth, por follow mi riba mi instagram y facebook:
https://www.instagram.com/missyouthsantacruz2024?igsh=Z2V0dWVuY3VoNmw2

https://www.facebook.com/GuizzaMaria?mibextid=ZbWKwL