INTERNATIONAL BEAUTY AND FASHION FOUNDATION TA PRESENTÁ SU 9 PARTISIPANTE PA E TITULO DI MISS CURAÇAO TEENAGER 2024.

INTERNATIONAL BEAUTY AND FASHION FOUNDATION TA PRESENTÁ SU 9 PARTISIPANTE PA E TITULO DI MISS CURAÇAO TEENAGER 2024.
(Oportunidat pa fanatikonan kuminsá vota pa Miss Internèt 2024)
Pueblo di Kòrsou tabata den espektativa e ultimo simanan aki via di e medianan sosial di IBFF, pa e partisipantenan ku ta den kontienda pa e e titulo máksimo di Miss Curaçao Teenager 2024.
Ya mas ku un sertamen ta un tradishon pa un hòben karga e titulo aki durante di un aña paso esei ta mustra e diferensia pa asina hobenan sigui den kaminda korekto. Ta keda na kada hóben na momento ku nan kaba di partisipá den e sertamen aki pa nan tuma desishonan den nan bida ku por yuda nan yega na tur nan objetivonan na un manera sano I positivo.
Despues di 1 luna ku nos Kordinador Edukashonal Christopher Josefa I nos Kordindador di medianan sosial Ana Clara Jansen ku tambe ta un eks partisipante di e sertamen aki a reuni ku e diferente hóbenan ku a postulá I informa nan huntu ku nan mayor(nan) no solamente di e sertamen pero tambe di e responsabilidat ku e hóben mester karga durante I despues di ser koroná.
Ya nan tin kasi un luna ta preparando ku e diferente charlanan I tambe profeshonalnan ku a kuminsá traha ku nan I awe por disfrutá di e bunita potrètnan ku a ser saká pa nos fotografo ofisial ChrisB kaminda awor aki bo por kuminsá vota pa Miss Curaçao Teenager Internèt 2024.
Ahinda nos partisipatenan no tin nan number ofisial pasó esaki lo ta e siguiente evento ku lo tuma lugá dia 18 di Mei proksimo na Adriana Reception Room pa despues 26 di Mei nan kompetí den e tremendo Gala of Beauty ku lo tuma lugá den e mahestuoso World Trade Center. E aña aki Internatioanal Beauty and Fashion Foundation ta bèk na World Trade Center kaminda e sertamen final tambe lo tuma lugá 07 di Juli proksimo. E aña aki e tema lo ta “LIFE WARRIORS” ku ta dediká na e hóbennan ku mester sali i lucha tur dia pa nan soñonan.
Pesei kuminsa apoyá bo partisipante faborito dor di bai na nos Face Book Page: https://www.facebook.com/Ibffcuracao i nos instagram:https://www.instagram.com/official_ibff i hasi e 4 pasonan obligatorio pa bo voto por konta.
1. Like e page
2. Like e pic di bo partisipante faborito
3. Tag 5 persona
4. Share
Partisipantenan nan ta: Ronayska Djaoen Sambre, Kemilly Ramirez Contreras, Giselle Irausquin, Thyona Cathalina, Luichainy Jansen, Jady Henriquez, Jadyah Silva Da Camara, Laïs Braaf I Briëlle van Thijs
For di awor aki International Beauty and Fashion Foundation ke invitabo pa bo kuminsá wak bo karchi pa e diferente eventonan pa asina bo no pèrdè e show di mas bunita manera semper a presentá I sigui nos partisipantenan den nan trayektoria pa e korona I mira ken ta bira nos 21 Miss Curaçao Teenager.

Danki https://www.facebook.com/weSupportmissesandmodelscuracao