Aruba International Regatta den preparacion pa ranca sali cu su diescuater edicion

Aruba International Regatta den preparacion pa ranca sali cu su diescuater edicion

E aña aki Aruba International Regatta lo tuma luga riba 28, 29 y 30 di juni 2024, banda di Surfside beach patras di Neptali Henriquez Speeltuin. Esaki lo bira di diescuater edicion y preparacion ta den ful swing.

Tin 14 clase di careda: Optimists, SailQube, F11, Beachcats, Sunfishes, Lasers, Yachts Racing, Yachts Live Aboard cruisers, y Yachts Multihulls, Miniatuurboats (30-35-40 inch), Windsurfers y Kites.

Invitadonan special tambe a bay na algun club di nabegado for di Boneiro y Corsou pa participa den Aruba su Regatta 2024.

A conoce ahustacion den fecha di Regatta pa optimalisa participacion di nabegadonan jong. Regatta awor ta tuma luga na final di aña escolar pa asina esnan jong por tin un aña di les completa y por finalisa e aña den algo leuk cu Regatta.

ARF, Aruba Regatta Foundation su vision ta pa introduci mas hende na nabegacion y conecta nan mas cerca na naturalesa y experiencianan di watersport sostenibel. Regatta ta desea di por yega na mas hopi hende jong cu ta posibel y introduci mas hende na e felicidad di nabegacion.

Na 2023, 75 nabegadonan a participa den mas di cuarenta careda, durante dos dia yena cu accion, nan a haya 27 trofeo, specialmente diseña pa Regatta traha pa plastic recicla y palo.

Pa 2024, Regatta su meta ta pa atrae mas cu 100 nabegadonan n’e Regatta Village banda di Surfside beach, den colaboracion cu un cantidad grandi di sponsor y partners generoso.

Please check e portal aruba-regatta.org y sign in pa ricibi posts y mantene bo mes informa.

2024 International Regatta su programa ta inclui dos dia di careda y happy hour na final di cada dia, cu Live music riba diasabra 29 di juni pa medio di Haerfen Pop Rock Blues Band, y diadomingo 30 di juni pa The Originalz Reggea Band.

E publico ta invita pa bin wak e spectaculo riba awa, dal un bebida, relaha y curpa y mente anto corda kico di berdad ta un bida di isla.