Marcando su di tres aniversario: Radisson Blue ta un miembro orguyoso di Aruba su comunidad di hospitalidad

Marcando su di tres aniversario: Radisson Blue ta un miembro orguyoso di Aruba su comunidad di hospitalidad

Radisson Blue Aruba lo ta celebrando su di tres aniversario na comienso di April, repasando retonan di aña pasa manera tambe celebrando e logronan di presente.

E ultimo tres añanan e resort a florece totalmente despues di su opening sin ningun fanfaria na comienso di 2021. Nan a habri cu un resort full-service cual a tuma curashi e aña ey, vision y optimismo, mirando cu mayoria di e mundo ainda tabata recuperando di un pandemia, incertidumbre ainda tabata den aire.

Pero e resort tabata den hopi bon man, bao mesun gerencia desde cu nan a habri, General Manager Luigi Wix, y Director of Commercial Strategy, Shareska Gutierrez.

E mester tabata dificil, pero nan a persisti y sigui bay dilanti cu hopi determinacion mientras cu Aruba tabata registrando un 91% den Hotel Occupancy na februari di 2024, Radisson Blu tabata ey riba mes hunto cu tur otro marcanan famoso na Palm Beach haciendo nos bishitantenan contento.

Radisson Blue, un marca Europeo renombra, actualmente tin 315 hotel y resort rond mundo.
Tin hopi Europeo dentro di e bishitantenan y hopi cu conoce e resort bon anto ta aprecia e comfortabilidad y estilo. E generacionnan mas jong ta aprecia con cerca nan ta di restaurant y clubnan, nan ta drumi te oranan di mainta, lunch te despues di merdia, anto kedando lanta den oranan di anochi. Famianan ta disfruta di e libertad, di e pools bunita y areanan pa mucha y adulto. E whirlpool no ta keda afo, grandi suficiente pa acomoda un grupo grandi di hende cu kier relaha.

Mientras ta hopi cerca di beach, e resort ta ofrece un area di beach exclusivo banda di MooMba unda cu bishitantenan por refresca nan mes. Un shuttle ride gratis tambe ta obtenibel desde e lobby, te cu e beach, dorna cu stulnan di lounge y sombra. Bishitantenan por tambe disfruta di e roof-top, infinity pool pa adulto, cu bista bunita pa lama, pidiendo cocktails for di Acqua Breeze bar of disfrutando di un dushi lunch na Sunset Bistro.

E posibilidad di por haci ehercisio den e fitness center cu e ekipo di cardio di mas sofistica y hopi mas, ta inspira bo sigur, cu un view spectacular via e bentanan grandi. E resort su galeria di shopping ta ofrece souvenirs di calidad cu pronto lo tin un tienda di delicatessen Spaño cla pa habri tambe.

E resort ta ofrece 156 camber, tur ta suite moderno, y bishitantenan ta aprecia e camanan king size, 50-inch HDTVs, cu opcionnan di in-room entertainment, y un acomodacion totalmente espacioso. Pronto lo tin mas camber den e inventario, tur lo ta ‘one,two,three-bedroom suites- cu un cushina bon ekipa. Cu un inventario mas grandi di camber,e resort ta spera cu lo por extende su alocacion di beach, pa asina mix un poco mas di santo blanco den e recuerdonan di nos bishitantenan durante nan vacacionnan na Aruba.

Desde cu a habri, Radisson Blue ta uza su tempo na un forma hopi sabi pa establece su presencia den mercadonan diverso anto e ta bayendo hopi bon, bao liderazgo di un doño local, un arkitecto cu poco background hotelero. Pero e tin bon wowo pa diseño y tambe un talento pa identifica tur liderazgo local den un bon team crea pa ‘run the show.’

Ambos Wix cu Gutierrez ta mira atras na un tres aña cu hopi satisfaccion. E resort a enfrenta reto cu empleo despues di pandemia, hopi kier a explora entrepreneurship of keda cas y colecta un subsidio, pero cu tempo nan a logra crea un formula magico den colaboracion cu e doño cual a resulta den salarionan hopi atractivo pa empleadonan, asina estabilisando e resort su posicion den e mercado laboral tambe.

Na Radisson Blu, empleadonan ta haya un bonus mensualmente adicional na nan salario. E suma ta refleha nan rol den e impacto di e ganashi di e hotel, tin biaha esaki ta dobel reconociendo nan esfuerso anto incentivando progreso. E resort tambe a introduci un siman di cinco dia di trabao pa tur departamento, banda di oportunidadnan educacional, balance entre trabao y bida cu condicionnan laboral superior, y mas importante na Aruba, un extra dia off riba nan hacimento di aña!

Riba e banda di medio ambiente, Radisson Blue ta un lider. Nan ta construyendo e unico structura riba e isla cu a ricibi e certificacion prestigioso di LEEDS, den un categoria nobo di construccion. Durante construccion, e resort a keda clasifica como un ‘green building’ na unda cu tur material uza a garantisa eficiencia den energia, resistencia, siguridad, y bienestar di tur su ocupantenan. Generalmente, e acomodacionnan a pone medio ambiente como prioridad, cu luznan eficiente den gasto di energia, water pipes insula, amenidadnan eco-friendly, reuzo di awa di AC pa hardineria y hardin di biodiversidad, creciendo mas cu 70 tipo di specie di mata indigeno.

E resort su Food & Beverage ta ofrece Senses Fine Dining, un restaurant premia y reconoci, e unico na Palm Beach cu ta ofrece un experiencia 8-course chef’s table y a la carte dining. Clover ta un coffee shop hopi cute, riba e piso principal, e Barista ta un artista di koffie elegante y un sirbido hopi generoso, un spot perfecto pa lunch of sinta relaha bo mes henter dia si bo ta desea.

Prepara pa celebra e resort riba 3 di april, disfrutando di e ocasion alegre di su aniversario.

 

Leave a Reply

Your email address will not be published. Required fields are marked *