Celebrando y sosteniendo hende muhe na Hilton Aruba

Celebrando y sosteniendo hende muhe na Hilton Aruba

PALM BEACH – E IWD (International Women’s Day) ta wordo celebra rond mundo desde 1911. E dia ta pa crea aspiracion pa inspira igualdad di genero rond mundo y pa libera hende for di bias, stereotype y discriminacion mientras na mes momento promove diversidad, igualdad y inclusion.

Tur aña riba 8 di maart e isla ta wordo recorda riba e tres balornan hunto cu e necesidad pa traha hunto y colectivamente celebra e logronan como tambe conscientisa riba e temanan prominente.

Na Hilton Aruba Caribbean Resort & Casino, actividadnan di IWD a keda dividi den varios dia durante luna di maart. E actividad di mas memorabel tabata Women’s Cafe, na unda cu miembronan di team ta invita pa conecta hunto cu otro mientras ta bebe un koffie, y disfruta di algun snacks intercambiando idea y perspectivanan tocante topiconan hopi importante den gruponan chikito sinta na mesa.

Cada grupo a disfruta di contribucionnan di miembronan di team como tambe profesionalnan. Nan a discuti con pa balansa un carera y bida familiar, con pa biba un bida saludabel y con pa trata cu nos propio spiritualidad, con pa ta honesto cu nos mes den bira ken nos ta di berdad enbes di ken otronan ta spera pa nos ta.

Tabata hopi bisto cu tur hende muhe sinta na e mesanan a comparti e mesun dilemanan y tabata contempla riba e mesun preguntanan existencial. E ‘sisterhood’ di hende muhe cu a forma den e camber a brinda un experiencia intimo, suavisando e conexion entre participantenan for di diferente departamentonan y edadnan.

E forum tambe a aprecia e charla di Marisol Croes kende a describi su mes y su propio caminda cu el a cana den bida, pa defini su identidad individual.

E hende muhenan na Hilton, cu hopi meta y entusiasmo, a celebra e dia pa medio di sostene y motiva otro, derivando un sentido profundo di comunidad y empatia cu nan envolvimento.

E evento tabata organisa pa Departamento di Recursonan Humano, y Nicole Hart di Ama Lurra, Consultancy Coaching & Training. #InspireInclusion2024.

Leave a Reply

Your email address will not be published. Required fields are marked *