Directiva di COA presente na Weganan Suramericano di Hubentud Wanda Broeksema y Nicole Hoevertsz a yega Panama2026

Directiva di COA presente na Weganan Suramericano di Hubentud Wanda Broeksema y Nicole Hoevertsz a yega Panama2026
Awe tardi a yega na Panama Presidente di Comite Olimpico Arubano (COA) Sra. Wanda Broeksema, pa asina forma parti di e Weganan Panama2026. Banda di ta Presidente di COA, Wanda ta miembro di e comision ehecutivo di ODESUR cu ta organisa e Weganan aki. Pa
e evento aki e la forma parti di e comision cu a percura pa e Weganan ta di e bon nivel y pa tur cos ta cla pa ricibi e mas di 2000 atleta y e resto di e delegacionnan. Secretaria General di COA Sra. Nicole Hoevertsz tambe ta na Panama pa apoya TEAMARU, pero
alabes ta cumpli cu un otro tarea importante, unda e lo representa e presidente di Comite Olimpico Internacional (IOC) den su capacidad como IOC member. COA ta desea Wanda y Nicole hopi exito den nan tareanan aki na e Weganan Panama2026, y ta mustra cu banda
di nos talento deportivo, nos dirigentenan local tambe ta traha duro den bienestar di deporte na nivel regional y internacional. #TEAMARU #COA