Aruba Aquatics Federation bon representa na IV Weganan Suramericano di Hubentud

TEAMARU su ekipo di natacion cla pa Panama2026
Aruba Aquatics Federation bon representa na IV Weganan Suramericano di Hubentud

Aruba su delegacion pa e IV Weganan Suramerican di Hubentud Panama2026 ta conta cu un ekipo fuerte di natacion, unda ta mira 6 atleta cla pa representa TEAMARU den piscina. Aki ta mira 3 atleta masculino cu Ocean van Loon, Jayrick Winterdal y Luis-Mario Arends y 3 alteta femenino cu Xia Rodriguez, Gabriella Hermans y Eva-Marie Kock. E grupo aki lo ta cu entrenadora Tyrine de Kort cu tin amplio experiencia como entrendora na Weganan y diferente campeonato internacional.
Di e 6 atletanan cu lo bay pa natacion, ta mira 5 cu pa prome biaha lo mira accion na un Weganan di e ciclo Olimpico.Ocean ta bolbe pa su di dos Weganan despues di un bon prestacion durante e Junior Panamerican Games ASU2025 na Asuncion-Paraguay.
E grupo di natacion ta e prome pa yega na Panama pa e Weganan y lo ta parti di e delegacion cu lo ta presente na e Ceremonia di Inauguracion. Comite Olimpico Arubano (COA) ta desea tur hopi exito na Panama2026.
#TEAMARU #COA #ARUBA #AOTRONIVEL