Miss Youth Aruba 2024: Jady-anne Geerman

Mi nomber ta Jady-anne Geerman hopi hende ta yama mi Jady paso eta fasil pa corda, Mita candidata #7 mita representa e districto ku mi a lanta aden ku ta Brazil, Mi tin 18 aña di edad

Mi hobby ta landra mi a cuminsa di 3de klas basis cu Aruba Dolphins Swimteam

Tambe mita un Youth Leader den un fundacion cu yama Heart Center Leadership Foundation ku ta situa na Teresita center nan ta un fundacion ku ta yuda hoben nan di tur edad sali fe nan comfort zone y yuda nan pa saca e mihor di nan mes y danki na nan mita un persona mas open y responsabel.

Awo nos tey conta ken ta Jady-anne mes ta. boso nan ta wak mi den un mundo di beyesa awo pero ami nunka a participa den niun concurso di beyesa. Mi a biba pa varios aña den cunucu di mi welo..Rumbo Ranch.mainta mi tawata lanta y bay cu mi tata coy webo fresco nos come.Nos a planta y cria bestia ..entre otro e mekinan cu nan mama ta bandonan.December nos ta sera e cabritonan y hibanan abattoir den marduga .nos tawata keda cla te atardi.Pero ta algo cu nos a siña hasi di Curason y esey ta un tradition cu nunca mi lo kier perde. ( ainda keto bay mi ta hasie).

Bida a siñami di e manera mas duro pa balora tur mi ser kerinan. Paso awe nan tey mañan nos no sa. Pesey mi ta balora cada persona cu drenta den mi bida paso ta pa un rason nan a wordo poni ey.

Mi experencia den e concurso aki di Miss Youth 2024 ta uno imaginabel. E ta mane un soño cu a bira realidad.Mi a siña hopy cos entre otro con pa crea un mihor version dimi. Mi a siña conose varios persona. Nos a bishita varios lugar.

Loke ami Jady-anne Geerman kier logra den futuro ta cumpli mi metanan. Sigi mi estudio. Bay tras di mi soñonan nunca give up. Pone mi granito di Tera pa e mundo aki ta un mihor lugar.