Comite Olimpico Arubano a reuni cu Federacion Gymnastico Arubano

Federacion a presenta atletanan den ambos gimnasia artistico y ritmico

Comite Olimpico Arubano a reuni cu Federacion Gymnastico Arubano

Continuando cu e reunionnan tecnico-deportivo cu e diferente federacionnan miembro di Comite Olimpico Arubano COA), a reuni cu e federacion di gimnasia, Federacion Gymnastico Arubano (FGA). Den caso di COA, miembronan di e departamento tecnico Direccion di
Deporte (DdD) a sinta cu e federacion y su entrenadornan pa asina trata e plan di entrenamento pa 2026, ademas di haya conoce mas informacion di e atletanan cu ta mira cu tin posibilidad di por participa na Weganan di e ciclo Olimpico cu tin riba calendario
e aña aki.

COA ta gradici e presentacion di ambos entrenador cu a duna mas informacion den cuadro di nan discplina, unda prome a presenta gimnasica ritmica cu ta busca pa posiblemente participa na Weganan Centroamericano y di Caribe St. Domingo 2026. Despues a haya presentacion
di gimnasia artistica, cu tambe a presenta diferente atleta cu posibel participacion na diferente evento e aña aki.