Curacao: QMQ ORGANIZATION TA BISHITA DIFERENTE KOMPANIA LOKAL DEN PREPARASHON PA SERTAMEN NAN INTERNASHONAL.

QMQ ORGANIZATION TA BISHITA DIFERENTE KOMPANIA LOKAL DEN PREPARASHON PA SERTAMEN NAN INTERNASHONAL.
Willemstad – Miss Teenage Curaçao Thalina Gil huntu ku promé finalista Angelly Virginia i di dos finalista Melysa Pengel, kual ta QMQ Organization su representantenan ofisial den 3 sertámen internashonal grandi, tabatin algun siman ku basta aktividat tras di lomba. QMQ Organization, ku su meta figá pa laga su representante nan di beyesa sera konosí i haňa mas informashon importante i interesante di nos dushi isla Kòrsou, a plania diferente bishita. Esaki siguir ta yuda nos representante nan Internashonal, na momentu di konta òf bende nos dushi Kòrsou. E tres beyesa nan a bishitá Rancho El Sobrino Resort, Blue View Restaurant, Landhuis dokterstuin, Ostrich Farm Curacao, Klein Kòrsou ku BlueFinn Charters Curaçao i FUSE Caribbean.
Un gradesimentu grandi ta bai na staf i pèrsonal di kada un di e kompanianan aki ku tambe ta kere den hubentud di Kòrsou. Danki pa boso aporte pa a habri porta pa nos organisashon i nos beyesanan. Na nos tim di produkshon i kordinashon tambe ta bai un danki grandi; Rayselien Poulina, Choco Photography i ZVCK Multimedia, pa nan dedikashon i aporte balioso na nos beyesanan.
QMQ Organization ta un organisashon ku ta kere den formashon di hobennan i ta preparanan muchu mas ku beyesa fisiko so, pero tambe ku konosementu i eksperensianan ku ta dura pa semper. QMQ Organization por wak bèk, riba un temporada karga ku aktividat nan produktivo pero tambe informativo i edukativo. Kada informashon ku e beyesa nan aki a risisbí, siguir lo kontrubuí positivo den nan bida i tambe lo yuda nan na momentu di partisipashon Internashonal representando Kòrsou.
Keda pendiente di QMQ Organization su paginanan riba sosial media, pa boso por disfruta di tur e bishitanan ku e beyesa nan a hasi huntu ku tim di produkshon di QMQ Organization.

Danki https://www.facebook.com/weSupportmissesandmodelscuracao