SMAC sumamento contento cu e comienso di Aruba su Carnaval 64

SMAC sumamento contento cu e comienso di Aruba su Carnaval 64
cu a ranca sali diasabra 11 di 11.
Despues cu den siman a sinta na mesa y firma acuerdo entre Stichting MUSICA y SMAC
mes ora a cuminsa cu promocion pa evento ja conoci pa nos tur cu ta e 11/11.
Diasabra cu a pasa tawata 11 di 11, den presencia di President di SMAC Sra. Shannon
Henriquez y su miembronan di board, representantenan di board di Raad van toezicht, board
di Stichting Musica parti mainta a bautisa e jingle na RBC Branch Sanicolas unda prensa,
royalties y demas invitado nan tambe tawata presente. Producer di e jingle un biaha mas
tawata den man di sr. Ruben “Scorpio” Garcia, kende na su turno a aserca Hendry
“Chokoy” Tromp y Rusty Sprott pa keda encarga cu e jingle. Unda e mainta aki nan a entrega
SMAC e jingle oficialmente.
Como madrina e keda den persona di Sra. Xiomara Ruiz-Maduro y padrino Sr. Carlos
Eckmeyer (branch manager di RBC sanicolas). SMAC ta gradici Roseann Ruiz y Pierre
Rafini di RBC pa un biaha mas a haci e contribucion y aporte na Aruba su carnaval y na
SMAC pa cu e jingle. Danki tambe na Ivan Quandus cu a keda encarga cu e grabacion di e
jingle y CD. Den e siman nos dilanti e CD lo ta obtenibel na oficina di SMAC. Pa awo lo
manda e version digital pa tur e radionan. Tur cu ta interesa pa haya esaki digital por manda
un mail na e siguiente email adres: zuleikasmac@gmail.com y pidi pa e jingle digital.
Despues di e parti aki a sigui dibiaha cu e preparacionnan pa e anochi di “Legends Festival”
na Carnival Village unda cu tawata tin un programa ful yen y a honra algun legendarionan. E
anochi aki di 11/11 a ser dedica na Sr. Randy Thiel cu tawata President di SMAC pa e prome
dos aña nan cu SMAC a lanta cual ta na 2015 y 2016. Pa loke ta trata e legendarionan esaki a
keda den e siguiente personanan;
 Casin Giel como e prome tumbero di Aruba
 Oslin Trimon e prome rey di tumberito
 Lisette Chung como Lider di grupo TOB
 Kevin James como Cantante / Compositor
Premionan a ser entrega dor President di SMAC sra. Shannon Henriquez, sr. Robert Jeandor
y Zuleika Wever hunto cu e miembronan di board di SMAC.
Alavez a tuma e oportunidad pa a lansa e cover di e revista Bachanal pa Carnaval 64 cu a
keda den e bunita fotogenica di srta. Irina Croes. Danki na Gibi van der Hans y ATA cu a
haci esaki possibel. Tin un tradicion cu a cuminsa coi su acohida esaki ta danki na tur e
groupleader nan cu tawata presente cu a mustra e publico presente nan trahenan y nan pakete
special pa e anochi aki, danki pa engrandece nos carnaval 64.
SMAC ta duna cada un di nan un pabien y danki pa nan aporte y contribucion na Aruba su
Carnaval.
E anochi aki despues a sigui cu un bon ambiente y asina un biaha mas a demostra cu Aruba
su Carnaval si ta Carnaval. “WE READY….. MAL CANSA BAI NOS TA BAI” (un tiki di
e jingle). Manera e slogan ta bisa, Carnaval 64, Ban Gos’e Cada Rato.