Registra awor pa ARUBA DOET 2018!

Registra awor pa ARUBA DOET 2018!

Fundacion, scol, institucion di cuido, centro di bario, grupo di scouting, grupo di bario y club di deporte atencion! Completa un proyecto y riba dje recluta boluntario pa bo organisacion durante e dianan di ARUBA DOET. Bo tin oportunidad pa registra un proyecto pa ARUBA DOET 2018 te cu diahuebs, 21 di december 2017. Registra e proyecto riba nos website www.arubadoet.com y aplica pa haya un sosten financiero di Oranje Fonds.

ARUBA DOET ta e evento boluntario mas grandi na Aruba y ta wordo organisa pa CEDE Aruba den cooperacion cu Oranje Fonds. ARUBA DOET lo tuma lugar riba diabierna 9 y diasabra 10 di maart 2018. Oportunidad perfecto pa renoba e cantina di bo club di deporte, sali keiro cu grandinan, conta storia na muchanan den bario, pinta weganan riba e speelplaats di scol, traha cashi pa warda buki y mucho mas!

Si bo organisacion social tin mester di ayudo pa registra su proyecto pa ARUBA DOET 2018 nos por yuda cu esaki. Nos lo organisa e siguiente “Bario Sessions” unda nos por yuda tur organisacion social registra nan proyecto(nan) pa ARUBA DOET 2018. Ta importante pa bin cu tur informacion di e proyecto cu bo kier completa durante ARUBA DOET 2018. Informacion manera: ki tipo di proyecto (verf, sali keiro etc.), cuanto boluntario bo organisacion ta busca, ki materialnan mester, informacion di cuenta bancario di bo organisacion etc.

E “Bario Sessions” lo tuma lugar e siguiente dianan:
Diahuebs 7 di December 2017, 4or di atardi pa 8or di anochi na Filomena Collega Mavo (San Nicolas).
Diaranson 13 di December 2017, 4or di atardi pa 8or di anochi na MFA Noord.
Diamars 19 di December 2017, 4or di atardi pa 8or di anochi na Biblioteca Nacional Aruba (Oranjestad).
Diaranson: 20 di December 2017, 8or di mainta pa 8or di anochi na oficina di CEDE Aruba (Beatrixstraat 8).

Pa mas informacion tocante ARUBA DOET y e “Bario Sessions” tuma contacto cu e team di ARUBA DOET na 5827666 of 5686984. Tambe por manda un e-mail na info.arubadoet@gmail.com

Nos ta On! Abo tambe?