Presidente di Arubox, Sr. Marco Dupersoy lo atende congreso di e Confederacion American di Boxeo, AMBC na Mexico City, Mexico.

Presidente di Arubox, Sr. Marco Dupersoy lo atende congreso di e Confederacion American di Boxeo, AMBC na Mexico City, Mexico.

Oranjestad, Aruba 15 di maart 2017. Den su calidad como miembro ehecutivo di e confederacion di boxeo di AMBC, presidente di Arubox, sr. Marco Dupersoy lo atende un congreso importante na Ciudad de Mexico e dia 21 di maart.

Mester bisa cu durante e congreso aki diferente topiconan importante lo wordo discuti. Lo bay papia entre otro riba e 2017 Competition Guidelines, e qualification guidelines pa e torneonan mundial di Hamburg 2017 y Buenos Aires 2018,  e calendario di competencia 2018, Cursonan cu lo wordo ofreci y Year of the Caribbean 2018, cual lo mester bira e aña di Caribe.
E confederacion di boxeo ta un asociacion cu ta wordo controla y dirigi pa AIBA cu tin como obhetivo mehora, promove y propaganda e deporte di boxeo den tur forma den henter e continente America. Ta bon pa menciona cu aña pasa e representante di Aruba, Sr. Dupersoy a keda eligi como miembro di e comite ehecutivo di AMBC pa un periodo di tres aña, esaki pa prome biaha den historia.
Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e presidente di Arubox, sr. Marco Dupersoy cu lo atende un congreso importante di AMBC na Ciudad de Mexico.
Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.