Pediasure Superkid educando nos muchanan riba nan crecemento saludabel

Alrededor di 1000 mucha Pediasure Superkid educando nos muchanan riba nan crecemento saludabel

Oranjestad, Aruba 6 augustus 2017: E temporada di vakantie ta casi pandando y Pediasure su programa: “Become superkid with the superpower of Pediasure”, tabata den full swing cu diferente actividad na camping di mucha. Pediasure ta enfoca riba nutricion sano y balansa pa tur nos muchanan, p’asina nan crecemento y desaroyo ta optimal, unda cu nan lo beneficia di tur e ingredientenan nutritivo den diferente sabor.

E team dinamico di Pediasure a bishita 9 camp: 4 Tra’i Merdia, Kerekentenchi, Cuido Moises, We Care, Tiponi y Seasons & Beyond, unda cada mucha a disfruta y haya informacion tocante e beneficionan di Pediasure. Veronica, Ana y Thalia tabata e promo diva’s y den un forma masha interactivo y creativo, a entrete e muchanan cu e storia di Sofia: un mucha muhe cu kier bira grandi, pero no ta gusta come tur alimento cu ta contribui na su crecemento y ta haya conseho di dokter pa bebe 2 Pediasure pa dia, pa recompensa e nutrientenan vital pa su crecemento.

E team di Pediasure Superkid tambe tabata presente na Ling & Sons Supermarket, unda cu e muchanan por a saca potret y tambe haya mas informacion tocante Pediasure. Mami y/of papi tambe a disfruta di e momento aki y asina descubri e beneficionan di Pediasure cu mami y/of papia, p’asina nan saca potret y cera conoci cu e superpower heroes: Spiderman y Wonder Women.

Como clausura di Pediasure su programa, dialuna 30 di juli, nan a forma parti di e presentacion di Kerekentenchi, cu tambe a cera nan programa di vakantie cu un tremendo show den Cas di Cultura “The Magic Kingdom”, unda tur e super heroenan tabata presente pa disfruta y goza cu nos muchanan.

Team dinamico di Pediasure kier gradici e 9 scolnan cu a habri nan porta pa ricibi nan durante nan programa di vakantie, unda cu alrededor di 1000 mucha a haya informacion relevante tocante nan crecemento sano y saludabel cu Pediasure y a haya pediasure tambe como regalo. Tambe no por keda sin gradici Star Production y Zoom Aruba como tambe e promo diva’s: Veronica, Ana y Thalia pa nan tremendo cooperacion y sosten di semper, p’asina realisa otro actividad exitoso di Medicosmetics Aruba N.V.