Monica Pimentel nos streya Olimpico tabata grandi na e campeonato nacional di Himno y Bandera.

Monica Pimentel nos streya Olimpico tabata grandi na e campeonato nacional di Himno y Bandera.

Diasabra ultimo Aruba Taekwondo Bond ”ARTBO” a organisa e campeonato nacional di Himno y Bandera y 6 scol di Taekwondo a participa. Monica Pimentel ta preparando pa e Colombian Open cu ta un evento di rango G1 y a presenta na e campeonato.

For di momento cu Monica Pimentel a drenta den e sala di combate e la haña un standing ovacion. E publico presente tabata emociona cu presencia di Monica Pimentel. E atletanan di tur e scolnan di Taekwondo a acerca Monica Pimentel sea pa saca potret, brase of tambe pa Monica Pimentel scirbi su nomber ariba nan faha di Taekwondo, Dobok di Taekwondo y asta nan t-shirt.
Algo cu nunca sa pasa na Aruba a pasa dia di e campeonato nacional di Himno y Bandera, Monica Pimentel a haci un impacto grandi na e evento.
ARTBO ta extende su gratitud na Monica Pimentel pa su presencia y aporte grandi cu e tin pa Taekwondo y specialmente su Grand Master Chaco Jose Cornelio.