Miss Kòrsou 2016 Biografia kandidata #7 Sharline Alberto

swimsuit-sharlinehttps://www.facebook.com/Sharline-Alberto-Contestant-7-Miss-Curaçao-2016-279686565732379/ Final di e sertámen Miss Kòrsou 2016 ta aserkando! Si, djadumingu 2 di òktober Miss Kòrsou 2016 lo keda elegí. Coridja Stars Productions a sa di eduká, train i duna kada un di e 7
kandidatanan den 3 luna di tempu tur loke ta nesesario pa ta un embahadora digno di nos dushi país Kòrsou. Pa pueblo di Kòrsou por kaba di skohe nan faborito, Coridja Stars Productions ta duna boso e chèns pa konosénan mas di aserka i awe ta toka turno na kandidata number 7.

 

Nòmber: Sharline Alberto

Edat: 21

Signo: leo

Estatura: 1. 75

Midinan: 90-66-96

Okupashon: administratief medewerker

Idioma ku por dominá: Papiamentu,  spañó i Ingles

Koló preferí: pretu, maron i kòrá

Kuminda favorito: Spaghetti

Pelíkula favorito: serie “Scandal”

 

Sharline Alberto a nase dia 3 òugùstùs 1994. E ta un dama ku a wòrdu lantá serka un famia hopi uní. Sharline ta e grawata di weya di su mayornan despues di a nase 10 aña despues di su ruman muhé. Maske tin e diferensha grandi di edat entre nan nunka nan a poné sinti ku nan ta hopi mas grandi kuné i semper nan tabata tin un band hopi será.

For di edat chikí Sharline tabata gusta muziek (kantamentu ‘ Bailamentu ‘ I Modelahe). Sharline ta gusta tur kos ku tin di aber ku spòtlight.

Tòg na skol e tabata un persona hopi será ora ta trata sigur di su bida personal i sintimentunan. Na skol nunka e tabatin hopi amistad. Sharline a eksperiensia tentamentu nan skol. E tabatin varios nòmber: flamingo ‘ zjiraf tur sorto di bestia I kosnan ku tabata tin di aber ku largura pa motibu ku e ta hopi haltu i pia delegá.

Na un dado momentu Sharline a yega un kaminda ku e no tabata sinti su mes bunita i sigur di su mes mas. Pero e la bin realisá ku su bida nota ningun otro hende su bida pa laga palabra di otro kibr’é.  For di e punto aki Sharline a kuminsá traha pa saka su mes for di tur muraya ku tabata rondon’é. E la kuminsá wak tur kos negativo na un manera positivo I dor di esei Sharline a sa algu di su mes ku tabata skondí. Loke ta su motivashon “mira tur kos den un bachi positivo”, e por kompartí ku otronan. Hasiendo esaki tur dia ta laga Sharline sinti bon I sigur di su mes. Awe Sharline ta gradesido na Dios pa e bendishon di tin haltura i ku unda ku e bira tin wowo riba dje.

E lastu tempu nan aki no tabata fasil pe paso e tabata pasando den hopi kos pareu. Su mama tabata sufri kebrante di salud i tabata den eksterior pa tratamentu médiko net den e temporada ku tabatin e casting di Miss Kòrsou. Pa Sharline partisipá pa Miss Kòrsou ta un soño ku a bira realidat. Pero alabes den komienso un periodo duru sabiendo ku su mayornan no tabata tei pa support e. Sharline ta gradesí un persona spesial ku ta den su bida awor aki ku despues di hopi kos ku e la pasa den su bida a mustr’é ku den bida bo no ta pasa den nada pero nada pornada. Palabranan ku semper e ta bisa Sharline ta ‘ Dios su tempu no ta nos tempu I semper bai keda kere den bo mes! E mesun mensahe aki e  ke kompartí na pueblo di Kòrsou. Sharline tin un deseo grandi pa marka historia den kurason di su  pueblo i sea un motivashon pa grandi i chikí.

 

 

 

 

 

Share
%d bloggers like this: