Miss Kòrsou 2016 Biografia kandidata #6 Samantha Janga

samantha-swimsuithttps://www.facebook.com/Samantha-Janga-Contestant-6-Miss-Curaçao-2016-1255560057790054/ Final di e sertámen Miss Kòrsou 2016 ta aserkando! Si, djadumingu 2 di òktober Miss Kòrsou 2016 lo keda elegí. Coridja Stars Productions a sa di eduká, train i duna kada un di e 7 kandidatanan den 3 luna di tempu tur loke ta nesesario pa ta un embahadora digno di nos dushi país Kòrsou. Pa pueblo di Kòrsou por kaba di skohe nan faborito, Coridja Stars Productions ta duna boso e chèns pa konosénan mas di aserka i awe ta toka turno na kandidata number 6.

Nòmber: Samantha Janga
Edat: 23
Signo: Akuario
Estatura: 1.70
Midinan: 87-64- 90
Okupashon: Medewerker Financiële administratie
Idioma ku por dominá: Papiamentu, Hulandes, Ingles i Spañó
Koló preferí: ros i hel
Kuminda favorito: sushi i seafood
Pelíkula favorito: Miracles from heaven

Samantha a nase riba 2 di febrüari 1993, después di un deseo di 12 aña di su mayornan i ta ser konsiderá komo un milager di Dios. Den su famia e ta e grawatá di wea, e ruman i prima di mas chikí. E la lanta den un seno familiar chikí, konsitiendo di su mama, tata, ruman hòmber i su wela parti mama (qepd) i un tanta grandi ku semper a sa di malkri’é sin fin.
Den su trayektoria di skol, Samantha semper a wòrdu mirá komo e mucha muhé sabí i “bright” di klas. E la pasa Semper ku éksito sin nunka a keda sinta i kasi semper tabata den e “best geslaagden. Esaki tabata motibu pa hopi hende duné e nòmber “Nerd”. Samantha a terminá su VWO Economie & Maatschappij na Maria Immaculata Lyceum i a sali “best geslaagde” den Economie. Na UoC mi a hasi Bachelor of Science in Business Administration, ku awor yama Business & Economics.
Samantha tabata kanta den koro di skol i tambe partisipá den bailenan folklor. Na edat di 16 aña e la disidí di inskribí su mes na un agensia di modelahe kaminda e la kuminsá desaroyá su talento komo modelo. E tabata un mucha hopi tímido i ketu. Modelahe a yud’é pasa e barera di miedu i timides, formando e base pa traha mas riba su konfiansa i amor propio ku finalmente a resultá den un kresementu i desaroyo personal. Banda di modelahe, dor di a drenta e sektor laboral for di su 16 aña, e la kuminsá bira mas aktivo den sosiedat kaminda e la konosé diferente hende i atkerí konosementu riba diferente tereno ku tambe a yuda forma se mes komo un persona menos tímido i mas sosial.
Pa Samantha: su edukashon, famia, amistatnan, kada desishon, kada eksperensia, kada logro i te asta desapunto den su bida, tur a forma e Samantha Janga di awe: Un dama balente i determiná di 23 aña, ku un fe fuerte, ta stima i kuida su famia i ku ta traha duru pa logra su soño i ambishon nan.

Share
%d bloggers like this: