Minister Dr. Alex Schwengle a topa cu directiva di LIFIDA
ORANJESTAD, Aruba – 3 di april 2017: Recientemente LIFIDA tabata di bishita cerca Minister di Salud Publico, Cuido di nos Grandinan y Deporte, Dr. Alex Schwengle. Meta di e bishita aki tabata pa scucha e deseonan di LIFIDA, informa LIFIDA riba e desaroyonan den deporte, hunto yega riba un liña pa e restructuracion di maneho y e rol importante cu LIFIDA ta hunga den e desaroyo di e hobennan. E reunion a tuma luga den un ambiente ameno y cu respet mutuo. Na final di e encuentro, LIFIDA a otorga Minister Alex Schwengle un recuerdo di aprecio di e torneo cu a tuma luga dia 18 di Maart caminda 6 pais a participa, esta St. Maarten, Venezuela, Colombia, Boneiro, Corsou y Aruba, unda Aruba a titula campeon!