Kiwanis Club of Palm Beach tambe ta aporta na Aruba Doet

Kiwanis Club of Palm Beach tambe ta aporta na Aruba Doet

Diasabra ultimo, Kiwanis Club of Palm Beach cu orguyo tambe a dicidi di aporta na Aruba Doet na varios organizacionnan. Kiwanis Club of Palm Beach ta un premier club di servicio cu semper ta cla pa pa duna un mna caminda tin mas necesidad den communidad di Aruba. Manera a wordo propaganda pa varios simannan caba, weekend ultimo tawatin e actividad local di Aruba Doet na varios parti di Aruba y cu e curazon pa servicio, Kiwanis Club of Palm Beach a participa na dos actividad principal. E promer tawata na Neptaly Henriquez Park caminda trabouwnan di mantencion mester a tuma lugar principalmente na e cos di hunga cu e muchanan cu ta bishita e park tur dia ta usa. Alavez, e club tawatin un otro grupo tambe cu a yuda na veld di Santa Fe na Meiveld. Mester mencionan tambe cu los di e dos actividad principalnan aki, nos tawatin otro miembronan cu tambe a aporta na otro organizacionnan. Pues, e presencia di e club tawata completo y nos ta orguyoso di esey. Si cualkier organizacion mester di ayudo di man of financiero, tuma contacto libremente cu nos club y sigur nos lo ta cla pa wak si nos por yuda den cualkier forma.
Kiwanis Club of Palm Beach Aruba ta forma parti di Kiwanis International, un organisacion mundial di voluntario dedica na cambia mundo, cuminsando na un comunidad y un mucha. Nos ta un organisacion den crecimento, dedica na yuda muchanan di mundo henter hisando nan calidad di bida. Pa mas information di Kiwanis Club of Palm Beach bishita nos webpage na www.kiwanisclubpalmbeach.com of nos Facebook fan page na https://www.facebook.com/kiwanispalmbeach.

Share
%d bloggers like this: