E inicio di e temporada di Carnaval ta Diasabra awo cu Parada di Flambeu!

E inicio di e temporada di Carnaval ta Diasabra awo cu Parada di Flambeu!

SMAC kier desea pueblo di Aruba completo y tur participantenan di Carnaval un Feliz Anja!

Anja 2017 a habri y di biaha por sinti e ambiente carnavalesco. SMAC ta anuncia cu Diasabra 7 di Januari, lo subi caminda cu e prome parada di anja cu ta e tan gusta Parada di Flambeu (Fakkeloptocht).

E parade ta conta cu participacion di 7 grupo di carnaval y un Last Lap Band.  Awe a tuma lugar e trekmento di lot na oficina principal di Setar y e secuencia di grupa pa diasabra ta lo siguiente:

1.     Los Laga Bai cu Solo Banda Show  2. Dushi Carnaval Group  3. TOB Carnaval Group cu ‘N Fuzion  4. Royal Carnival Group cu NBO 5. Empire Carnival Group cu Buleria y Le Groove  6. Grupo Champagne cu Tsumani 7. OPC Carnival Group cu OREO y pa esnan cu kier gosa di Last Lap lo sera cu BMW Band.

Presidente Sra. Shannon Henriquez di SMAC, na nomber di gruponan di carnaval, ta invita tur esnan cu ainda kier participa den Parada di Flambeu, pa acudi serca nan grupo preferi  pa asina inscribi y no keda afo.

SMAC ta prepara pa subi caminda cu su cuerpo di voluntario pa asina dirigi e prome parada den bon orden. Parada di Flambeu lo start sali pa 8’or en punto for di e rotonde di Wendy’s Boulevard y lo termina pa 1’or di marduga na rotonde di Banco di Caribe.  Cu sosten di tur entidad envolvi, SMAC ta convenci cu e inicio di Carnaval 63 lo ta uno mahestuoso y festivo.

SMAC kier indica cu por identifica su miembronan e diasabra awo pa nan t-shirt y petchi preto cu emblema di SMAC.

SMAC desde awor kier gradici tur grupo di carnaval participando diasabra awo, tambe na tur banda musical cu sigur ta cla pa ranca sali cu e ritmonan tan gusta di carnaval. Un danki na Korps Politie Aruba pa nan sosten y guia pa loke ta e orden publico. Tambe na DOW, Serlimar, Imsan, Rode Kruis, Brandweer, DTI y DESPA.

Ta pidi tur participante y publico alaves pa mantene nan mes na reglanan di orden publico, tuma na cuenta e consumo di alcohol y si consumi alcohol pa haci esaki responsablemente y cu moderacion y pa tin un chauffeur responsabel despues di parada cu por conduci vehiculo. Corda riba esnan mas chiquito, tene bon bista riba nan y cuida nan oido cu earplugs.

Aruba, un feliz y dushi Carnaval 63! Potret cortesia di Chibi van der Hans/Bacchanal.