Delegacion di Atletismo ta cla pa representa Aruba den e 46 edicion di e CARIFTA GAMES na Corsow

Delegacion di Atletismo ta cla pa representa Aruba den e 46 edicion di e CARIFTA GAMES na Corsow

Oranjestad, Aruba 11 di april 2017. E di 46 edicion di e Carifta Games den e deporte di atletismo ta cla pa inicia na nos hermana isla di Corsow, unda un grupo grandi di atletanan den Caribe ta ser spera na nos isla ruman. Mester bisa cu e federacion di atletismo Arubano, AAFtambe a prepara fuerte pa loke ta e competencia aki. Un delegacion consisti di 12 atleta lo competi den e diferente disciplinanan di e deporte madre di Olimpismo manera 100m sprint, 200m sprint, 400m, 1500m, 5000m, discus, log jump, triple jump, shotput y Octathlon. E competencia lo tuma lugar den e compleho di Brievengat.

E atletanan cu lo competi pa Aruba ta Jurgen Geerman U20 den e 1500m 5000m Q, Tariq Polonius U18 den e 200m Q, Aureen Lampe Discus Q,Joshwa Jansen 1500m Q, Brishen Risco Gomez 100mQ. Ta bon pa menciona cu cada un di e atletanan aki a clasifica den nan disciplina. Tambe nos tin Toni Lisa Brown cu lo competi den Long Jump, Judeska Sheppard lo competi den e Triple Jump, Aimar Erasmus lo competi den e 100m, e atletanan Daymiron Cornes y Davenka Duncan lo competi den e 400m. Wuill Vrolijk lo competi den e Octathlon y por ultimo Shawney Coenraad lo midi forza den e disciplina di Shotput. Aruba lo bay tin un Relay Team Boys U18 consisti di Tariq, Dyamiron, Aimar y Risco. Como e team manager lo biaha Iris Maduro mientras e Hefe di Delegacion lo ta Nandita Misier. E presidente di AFF, sra. Evelyn Farrell lo bay atende e Congreso na Corsow.

Un danki sigur na Lotto, e Loteria di Aruba pa medio di Comision di Subsidio cu a subsidia parti di e biahe di e delagacion di atletismo pa e Weganan di Carifta na Corsow.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio