CITGO Aruba aportando y apoyando e muchanan den Carnaval 63

CITGO Aruba aportando y apoyando e muchanan den Carnaval 63
Cu hopi placer SMAC a jama bon bini na CITGO Aruba como un main sponsor nobo. CITGO Aruba, a evalua e necesidad di e gruponan di Carnaval y a opta pa aporta specificamente na e gruponan di carnaval di Mucha.
Sr. Alirio Zambrano , Refinery Project Director hunto cu Sra. Marianne Croes, CITGO Public Affairs ambos a expresa e importancia di e continuacion di e tradicion cultural mas grandi di nos isla. Pa asegura e continuacion aki, a dicidi di juda esnan mas chiquito di nos carnival, mirando cu ta nan ta e futuro di nos carnival y lo carga esaki riba nan schouder un dia.
Presidente di SMAC, Sra. Shannon Henriquez hunto cu algun miembro di directiva a expresa nan contento pa cu e donacion aki y ta hopi contento cu e gruponan di mucha ta esnan cu lo beneficia di esaki.
E trekmento di lot pa secuencia di gruponan a keda den man di Sra. Marianne Croes. Cada lider di grupo o representante a jega SMAC pa por trek lot. Manera custumber e Reina Infantil di Carnaval lo habri parade di mucha hunto cu su grupo. Pa e motibo ey TOB Kids lo ta grupo 1, hunto cu su Reina Infantil Evah Ras.
2. Kids Champagne – 3. Deja Kids/CB Noord – 4. Little Groovers – 5. Nos Futuro
Parada di Mucha Oranjestad ta diadomingo awor 12 di Februari. Lo sali 2’or di Aruba Entertainment Center – Vondellaan – LG Smith Blvd – Adriaan Lacle Blvd – Wilhelminastraat – Aruba Entertainment Center. Ta invita grandi y chiquito pa bin apoya nos muchanan riba e ruta di carnival diadomingo awor.