Celebracion di nos dia Nacional na Centro di Bario Savaneta

Celebracion di nos dia Nacional na Centro di Bario Savaneta
E anja aki un bes mas Centro di Bario Savaneta lo tin su actividad pa asina celebra
nos dia Nacional, dia di Himno y Bandera, en grande. Diferente cu anjanan anterior e
programa ta cuminsa parti merdia enves di mainta. Lo tin dushi cuminda, bazaar 18
di maart, musica, baile, canto y wega. E wega principal pa e anja aki ta: Gara e porco.
Manera menciona e programa pa e anja aki ta cuminsa 12 or di merdia y ta sigi te 10 or di
anochi. Lo tin presentacion di: Candy Dancers, Chaz Dancers, Dazzling Divas y Gucci
Dancers como tambe cantantenan di Festival 18 di Maart cu lo deleita un y tur cu nan
cancionnan.
Durante dia lo tin DJ pa anima tur presente como tambe caha di orgel: Amor. Tambe lo tin
bazaar 18 di maart unda lo tin diferente mesa cu artesania y cos dushi. E cushina lo tin:
Keri Keri, Comcomber Stoba, Mixed Seafood y Sopi di Carni. Tambe lo tin pastechi, kroket y
sanger yena. E bar lo ta bon gestock cu coi bebe frieuw frieuw pa grandi y chikito.
Pa e muchanan lo tin dino-jump y un pintora di caricatura. Tambe tin popcorn.
No por falta e weganan popular cu tur anja ta e trece hopi harimento y placer, tin wega pa
mucha y hende grandi y como wega principal lo tin: Gara e Porco! Esaki lo cuminsa 4 or di
atardi. Bin wak ken tur ta bay purba di gara e porco pa asina gana un tremendo premio.
Parti atardi Tipico Pegasaya lo bin toca, sigi pa Why Not Band cu lo sera e actividad aki den
un ambiente tremendo.
Dia 18 di maart ora hunto cu famia ta core rond bishitando e diferente actividadnan rond di
nos isla, no lubida di pasa Centro di Bario Savaneta.
Like e facebook-page di Centro di Bario Savaneta pa keda informa di e diferente
actividadnan cu ta ser organisa. Pa mas informacion of pa bira boluntario di Centro di
Bario Savaneta manda un mail pa centrodibariosavaneta@gmail.com.

Share
%d bloggers like this: