Atleta Quincy Breell lo atende un campo di entrenamento di atletismo na Jamaica.

Atleta Quincy Breell lo atende un campo di entrenamento di atletismo na Jamaica.

Oranjestad, Aruba 1 di december 2017. Recientemente e atleta elite di salto largo, miembro di e club di atletismo Aruba Athletic Club (AAC) y alabes seleccionado, Quincy Breell a biaha pa Kingston, Jamaica unda e lo hiba un preparacion largo di varios luna intensivo di entrenamento. Quincy a sali pa Jamaica dia 10 December pa su campo di entrenamento y lo regresa bek Aruba den luna di April pa despues regresa bek pa Jamaica. Na Jamaica cu ta conoci pa su nivel halto den e deporte di atletismo, Quincy lo entrena bou di expertonan renombra cu lo yude logra su metanan poni.

E atleta Breell ta preparando fuertemente pa e Weganan Odesur Bolivia  2018 y Centro Americano y del Caribe Barranquilla 2018 y por ultimo e Weganan Panamericano Lima 2019. Na Aruba, Quincy Breell ta e recordholder den salto largo cu 7.62m. Algun di Quincy su logronan ta cu el a yega como finalista den e Weganan Pan Americano 2015 como tambe C.A.C 2014. El a gana medaya di brons den e “Nationale Kampioenschappen” na Hulanda na 2013. Por ultimo Quincy a competi den dos mundial di atletismo, na Russia 2013 y China 2015.

Un danki sigur na Lotto, e Loteria di Aruba pa medio di St. Sportsubsidie Aruba cu a subsidia e campo di entrenamento di e atleta elite Quincy Breell pa Kingston, Jamaica.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e St. Sportsubsidie Aruba.