Apertura di baseball ABBA lo ta diasabra na Joe Laveist Ballpark

Apertura di baseball ABBA lo ta diasabra na Joe Laveist Ballpark

Diahuebs anochi e federacion di baseball Arubano, ABBA a tene un conferencia di prensa unda a anuncia cu lo incia cu a temporada di baseball local den e divisionnan Liga Menor te cu AA. E aperture di baseball lo tuma lugar diasabra 2 di September den Joe Laveist Ballpark na San Nicolaas. E atardi lo inicia cu un ceremonia di desfile di tur e ekiponan participante mientras pa 8or lo tin e partido inaugural entre Red Machine y ATCO Indians cual tabata e gran final di e temporada pasa.

E aña aki ABBA lo dedica nan campeonato na dos baluarte cu pa hopi aña a significa masha hopi pa e  baseball local. Ta trata aki di Sr. Franklin Danies y Sr. Milton Croes, dis ex-pelotero conoci den nos mundo di baseball, porcierto e unico dos peloteronan di Aruba cu a hunga den Baseball mundial IBA World All-Stars na aña 1990 y 1991, segun ABBA.

Mester bisa cu ABBA ta conta cu apoyo di un y tur pa promove nos baseball local den tur sentido. E deporte di baseball tin un historia grandi y a produci varios profesionalnan cu a hunga den Mayor League Baseball mientras actualmente numeroso pelotero firma ta aspira pa bira profesional mientras nan ta eherce e baseball na Merca.

Lotto, e Loteria di Aruba pa medio di Comision di Subsidio ta masha contento di por aporta na subsidia e campeonato di baseball ABBA.

Cumprando weganan di Lotto, e Loteria di Aruba manera Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.