Anochi di subasta durante exposicion di William Micheals na Biblioteca Nacional

Anochi di subasta durante exposicion di William Micheals na Biblioteca Nacional

Diahuebs 11 di mei na Biblioteca Nacional lo tuma lugar un subasta silencioso durante e exposicion ‘Fibras, texturas y Colores’ di e maestro William Michaels Guerrero. Un parti di e entrada di e cuadronan cu wordo bendi lo bai pa Koningin Wilhelmina Fonds Aruba.
E maestro Colombiano, Guerrero tin un trayectorio di mas cu 35 aña den mundo di arte plastico. Guerrero ta un artista ambientalista masha comprometi cu e proteccion di naturalesa y medio ambiente.

Su obranan ta masha yamativo artisticamente. Nan ta wordo elabora cu papel procesa, plastic, metal y material recicla. Ademas cada obra tin contenido y un mensahe cu ne. E artista su obranan ta un combinacion entre tecnica di arte y un tarea di conscientisacion pa e hendenan no benta afo desperdicio solido riba lama of riu cu nan ta fuentenan pa produci awa potabel cu ta hopi scars den nos planeta.

E exposicion “Fibras, Texturas y Colores” lo keda habri te diabierna 12 di mei. Tur scol y publico en general por bishita e expo aki na Biblioteca Nacional. E exposicion aki ta habri den orario di biblioteca; pero despues di 2’or di atardi e artista Michaels Guerrero t’ey  pa atende cu e muchanan y scolnan cu ta desea di bishita su exposicio y asina  e lo splica con el a traha cada obra. Tur hende ta keda invita pa pasa disfruta di e exposicion y alabes si nan desea di hiba un obra di arte cas, un parti di e entrada lo bai pa un bon causa, cual ta e lucha contra cancer.