Acogida y participacion masal: Enseñansa a luci durante e prome Carrousel di Enseñansa

carrousel-3-1280x768Acogida y participacion masal: Enseñansa a luci durante e prome Carrousel di Enseñansa

 

ORANJESTAD, Aruba – 10 di october 2016: Pa prome biaha Ministerio di Enseñansa y Departamento di Enseñansa a organisa un Carrousel di Enseñansa na Aruba riba dialuna dia 10 di october. Durante di e evento aki, diferente instancia, fundacion y institucionnan di educacion a uni pa ofrece boothnan cu a comparti informacion varia y interesante pa cada educador, mayor y publico presente.

 

Entre 12’or di merdia te 8’or di anochi, bishitante a yena e sala na Renaissance Convention Center, mustrando hopi interes pa tur e informacion disponibel. Tabatin diferente charla cortico riba diferente tema y tambe resultado di diferente estudio nan haci. Innovacion tabata presente no solamente den tecnologia, pero tambe den diferente programa cu tin e meta principal pa yuda nos studiantenan ta mas exitoso.

 

Sin duda e tabata un atardi yena cu informacion valioso y cu hopi proyectonan interesante pa e desaroyo di Enseñansa na Aruba. Nos no por keda sin gradici e patrocinadonan cu a percura pa diferente premio pa e maestronan presente.

 

FIN